- 99
sa isa ka pungpong nga mga kandila, kag isa ka baston nga may
bungaybongay, nga tiliman-an sang iya pagkapunnoan.
— Daw sa malipayon ka? — Pamangkot niya sini sa tinagalog.
— Huo gayod, senyor Kapitan; malipayon ak6 kay may isa ako ka paglaum.
— Ha? Kag ano ina nga paglaum?
— Ang bagyo!
— Ang bagyo! Ayhan nagahunahona ka nga maligo? — Pamangkot sang gobernadorsilyo sa paningog nga may lahog nga tinulok niya ang kubos nga panapot sang tigulang.
— Maligo ako... indi malain, labi na gid kon makadalasa sing isa ka basura! — Sabat ni Tasio sa amo man nga paningog, apang may diutay nga labtik, nga tinulok niya sa nawong ang nagpamangkot. — Apang ginapaabot ko ang isa ka butang nga maayo.
— Hanti ano?
— Ang pila ka lint! nga nagapamatay sang mga tawo kag nagapanunog sang mga balay! — Maligdong nga sabat sang pilosopo.
— Pangayoa na gid ang lanas!
— Bagay ina sa aton nga tanan, sa imo kag sa akon! Ikaw, senyor gobernadorsilyo, may didto ikaw nga isa ka bugkos nga mga .kandila nga naghalin sa balaligyaan sang insik; ako kapin na sa napulb ka tuig nga ginhingyb ko sa tagsa ka bag-o nga kapitan ang pagbakal sang mga inogpugong sa linti, kag ang tanan nagkadlaw sa akon, kag nagbakal sila sing mga bomba kag mga kohete, kag nagbayad sila sa pagpabagting sang mga lingganay. Kapin pa. ikaw man gani, sang masunod nga adlaw sang akon paghingyb, nagpahimb ka sa mga manogsalsal nga insik sing isa ka lingganay sa kay Sta. Barbara,1 samtang nga ang syensya nagapakilala nga makatalagam ang magbagting sang mga lingganay sa mga adlaw nga mabagyuhon. Kag sugiri ako, ngaa nga sang tuig 70 sang pagkahulog sang linti sa Binang, tumopa gid sa tore kag gumoba sang relo kag sang isa ka altar? Sin-o ang naghimb sang lingganay ni Sta. Barbara?
Sa amo nga tion kumirab ang isa ka kilat.
(1) Sta. Barbara— Ang patrona sa mga bagyo batok sa linti. Ang hurubaton nagasiling: wala sing makadumdom kay Sta. Barbara tubtob nga manglinti, kag nagakahulogan nga sa masunson wala kita nagasapak sang katalag' man nga nagahilapit sa aton, tubtob makita naton nga nagahatag sa aton sing katalagman.
