XIII
TILIMAD-ON SA UNOS
Sa paggulS sa tigulang mao gayud usab ang pag-abut sa ganghaan sa usa ka salakyanan nga daan gikan sa layong dapit, kay naputos sa abog ug ang iyang mga kabayb nagkadusingot man. Si Ibarra mikawas uban sa usa ka suluguong tigulang nga nagasunod kaniya; gibayran niya ang salakyanan ug gilayon mipadulong sa kalubngan, maligdong ang panagway ug walay tingog. —jTungud sa akong balatian ug daghang mga buhat wala ako makabalik dinhi! — matud sa tigulang nga misulti kang Ibarra sa tingog mahinay; — si Kapitan Tiyagb miingon nga siya day mahibalong magpabuhat sa nicho; apan ang lubong sa imong amahan akong gitamnan ug mga bulak ug giubokan usa ka krus nga akong binuhat . . . Si Ibarra wala motubag. Sa paghisulod na nila sa kalubngan, ang suluguon ni Ibarra mitudlo dapit sa usa ka suok miingon: —jDihS nianS, sinyor, diha sa luyo nianang dakung krus! Si Ibarra nagaligdong pag-ayo ug wala makamatngon nga ang mga tawo nanghibulong sa pagkakita kaniya, gihunong ang ilang pangadye ug nagsamot tan-aw kaniya. Ang batan-on nagahinay paglakaw ug nagalikay pagtunob sa mga lubong nga maila kaayo tungud sa yuta nga mihulpa. Kanhi, kadtong tanan iya lamang tumban, apan karon iyang gitahud kay ang iyang amahan nagahigda na man usab sa ilalum niadtong yuta nga iyang gitumban. Mihunong siya sa pag-abut sa luyo sa krus ug nalukop ug lingi. Ang iyang kakuyog nalibug usab ug wala makatultol; nangita ug ilhanan sa yutH ug wala gayud bisan krus na lamang until ang nahibilin. —i1 Dinhi ba ugod kadto?—nagasulting usara; — dill, did to da sa unahan, apan jang yuth naukadyang na! Masulub-on uyamut, si Ibarra mitan-aw sa iyang suluguon.
-87-
