Page:Noli-Me-Tangere-Cebuano-Visayano-ni-Jose-Rizal-1962-N719c.pdf/65

ikaw dill makakat-on paglantaw ngadto sa unahan; ug sa adlaw nga mapiyong na unya ang akong mga mata, mahisama ikaw niadtong talamnon nga gihisgotan sa atong magbabalak nga si Baltazar: “sanglit nagatubo sa tubig malawos dayon kon hiinitan ug diyutay ug dill kabisibisan.” Tan-awa lamang: hapit na ikaw maulitawo ug jmohilak ka gihapon!” Mibati ako niining iyang gimulb kanakb ug gitug-anan ko siya nga gihigugma ko ikaw. Mihilum ang akong amahan, ug, human magpalandong kadiyot, iya akong giagbayan ug gisultihan sa tingog nga daw nagakurog: “iNagatuo ka ba nga ikaw da maoy maantigong mahagugma, nga ang imong amahan wala magapangga kanimo ug dill siya masakit nga ikaw mahibulag kaniya? Dili pa dugay nga mitalikod ang imong inahan ug ako nagkatigulang na, nagapadulong na nianang panuigon nga ang tawo mosal-ig na unt^ aron makakitag kalipay sa iyang mga anak, apan antuson ko ang akong pag-usara, ug ambut lamang kon makakita pa ba kaha ako pagusab kanimo. Apan kinahanglan hunahunaon ko kadtong mga butang labi pang hinungdanon . . . Ikaw napapadulong pa ngadto sa unahan ug ako nagatalikod na; ang imong gugma bag-o pa lamang natawo, ang akb himalatyon na; ang imong dugo nagabukal pa sa imong kaugatan, ang akb nagaanam nag kabugnaw, apan |ikaw nagahilak karon ug dill maantigong moantus aron ugma mahimong tawo nga mapuslanon alang sa imong kaugaiingon ug sa imong Yutang-Natawhanl” Mihilak ang akong ama­ han, miluhod ako sa iyang atubangan, gigakus ko siya, nangayb akog pasaylo kaniya ug giingon ko siya nga andam ak6 sa paggikan ...” Ang pag-alindasay ni Ibarra nakahunong pagbasa sa sulat: ang batan-on naluspad ug nagsamot suroy-suroy sa pantaw. iNaunsa ikaw? <!Unsay gibati mo? — nangutana si Maria Clara. —jTungud kanimo hikalimtan ko ang akong mga katungdanan; nga ako kinahanglan mogikan karon dayon padulong sa akong lungsod, kay ugmi mao ang adlaw sa mga patay! Si Maria Clara mihilum, mitan-aw ug kadiyot kang Ibarra ug uny^ mipupb pipila ka bulak nga gitunol sa iyang hinigugma ug misulti sa tingog mahinuklugon: — Lakaw ug dill ko na ikaw langanon; sulod ning pila ka adlaw managkit^ lamang kita pag-usab. jKining bulak ihalad ibabaw sa lubnganan sa imong mga ginikanan! -58-