Yutang-Natawhan natingub sa usa lamang ka gugma . . . <!Mahimo ba nga hikalimtan ko ikaw? Sa makadaghan nabati ko
ang imong tingog nga nahisagol sa tingog sa imong piyano, ug
didto sa Alemanya inigkahapon kon masuroysuroy ako sa ilang
kalasangan nga puno sa mga katingalahan nga gidamgo sa ilang
mga magbabalak, ug didto handumon ko ang imong ngalan, daw
pagahikit-an ko ikaw nga limisan sa mga gabon nga motuybb
gikan sa usa ka walog; daw pagahidunggan ko ang imong tingog
nga mahisagol sa kasikas sa mga dahon, ug kon ang mga magbabaul mamauli na gikan sa ilang buhat ug manag-awit, pakaingnon ko nga ang ilang awit mahitukma sa akong hunahuna
nga magaawit usab kanimo, ug sa ingon niana, ang akong mga
damgo daw mahimong tinuod. Kon usahay mahisalaag ak6 sa
akong pagsuroysuroy sa ilang kabukiran ug tungud sa pagpangitii sa dalan hiabutan ako sa kagabhion taliwala sa kakahoyan, daw
pagahikit-an ko ikaw didto nga usahay dan-agan, sa kahayag sa
Bulan nga manuhotsuhot sa kasangahan ug usahay salipdan sa
landong; ug kon sa kapulihay madungog ko didto ang awit sa
usa ka langgam, hunahunaon ko nga ang langgam nagaawit tu
ngud kanimo. iOo, wala ko ikaw hikalimti! Tungud sa kainit
sa akong gugma kanimo, jdaw buhi ang gabon sa akong pagtanaw ug may bulok ang yelo! Ang langit, ang matahum nga langit
sa Italya, magapahinumdom kanakb sa imong mga mata; ang
iyang masayag-nga kawalogan ug kapatagan magapahinumdom
kanakb sa imong matam-is nga pahiyum, ingon nga ang kaumahan sa Andalusiya, diin nagalupadlupad sa kahanginan ang kahumot sa mga bulak, jmagahisgot kanakb sa imong gugma! Sa
mga gabiing bulanon, kon magapautaw-utaw ako sa usa ka sakayan didto sa suba sa Rhin, mangutana ak6 sa akong kaugalingon
kon dili ba kaha usa ka lamat lamang sa akong hunahuna kon
makita ko ikaw nga magasuroysuroy sa ilalum sa kakahoyan sa
tampi sa suba, magatungtong sa pangpang sa Lorelay kun magalangoylangoy taliwala sa mga balud ug magaawit sa mahilum nga
kagabhion aron pagsadyi sa kamingaw ug kasubo niadtong mga
catillo 1 nga nangaguba na!
—Ak6 wala makapanglangyaw sa laing dapit sama kanimo
ug mao day hiilhan ko ang imong lungsod, ang Manila ug ang
(1) — Balayng daku uyamut binuhat sa mga bat6, dunay mga tag-as lantawanan sa mga kaaway, liniyungfin sa mga mabaga nga paril ug linaw nga
laglum. Maoy puluy-anan sa mga prinipe, duque, marque, ubp, sa Uropa
kanhi.
-55-
