Page:Noli-Me-Tangere-Cebuano-Visayano-ni-Jose-Rizal-1962-N719c.pdf/51

ug naigb usab siya niadtong mga pulong kon sayop pagkahubad sa pinulongang gresyanhon: “Himaya kang Bathala sa kahitas-an sa langit ug kalinaw alang sa mga tawo nga maayog kabubut-on dinhi sa yut^!”, kay, sumala sa atb unyang makit&, dili igb ang maayong kabubut-on aron malinaw ang atong pagpuyo dinhi sa ibabaw sa kalibutan. Ang mga tawong nanagtamay sa atong tinuhoan nanag-ingon nga si Kapitan Tiyag6 hung6g nga pagkatawo, ang mga kabus usab nanagtuo nga siya palabilabihon tampalasan ug kusog nga mopahimulos sa kalisud sa mga makaluluoy, ug ang iyang mga sakop nanag-i­ ngon nga siya malupigon ug dili buut nga supakon ang iyang kabubut-on. Apan, unsay hunahuna sa mga babaye bahin kaniya? Sulod sa mga payag nga nipa adunay mga hungihong mabutangbutangon, adunay nakadungog ug mga panghayhay, mga agulb nga nanghisagol sa hilak sa mga bata ng bag-ong nahimugsb. Usa ka dalaga gimutomutohan sa mga manggitahapon nga gipasipad-an ni Kapitan Tiyagb, kay daw nalubog ang iyang tinan-awan ug naminghoy ang iyang panagway. Apan kining tanan wala makahukaw sa iyang pagkatulog ug walay dalaga ng nakatugaw sa iyang kalinaw. Ang nakahatag ug kaguol kang Kapitan Tiyagb, mao ang usa ka babayeng tigulang nga nakig-indig kaniya sa paghalad kang Bathala ug gidalayeg kaayo sa mga pari, labaw sa pagdalayeg kaniya. Kadtong pag-indigay ni Kapitan Tiyagb ug sa tigulang balo, manununod sa iyang mga igsuon ug mga pag-umangkon, nakaayo sa Simbahan, ingon nga nakaayo sa kadaghanan ang pag-indigay kanhi sa mga bapor sa Pampanga. Kon si Kapitan Tiyagb mohatag sa Birhcn usa ka sungkod nga salapi, dinayandayanan ug mga batong mahal, si Donya Patrocinio mohatag usab laing sungkod nga bulawan, dinayandayanan ug mga bato nga labi pang mahal; kon sa pasunding sa Birhcn sa Nabal si Kapitan Tiyagb mougbok usa ka arkos nga maayong pagkadayandayan, pinunihan ug mga panapton nga mahal, binitayan daghang mga salamin ug mga suga, si Donya Patrocinio usab mougbok laing arkos nga labing taas ug labing daghag mga dayandayan kay sa kang Kapitan Tiyagb. Apan dinhi, si Kapitan Tiyagb modangop na sa iyang kalaki nga dill hitupngan: magpamisa siya ug uny^ magpabuhi dagkung luthang ug magpaduslit mga fuego artificiale; niini, si -44-