—Si Elías nangumo, ang kumo giduót sa iyang agtang ug mitan-aw kang Crisostomo, nga misibug sa pagtan-aw sa nawóng sa piloto.
—Nasayud ka bá kinsa kadto si Don Pedro Eibarramendía? —nangutana si Elías sa tingog lugos nadungóg. - Si Don Pedro Eibarramendía mao kadtong banyagang Katsila nga nagbutang-butang sa akong apohán ug maóy ginikanan sa tanan namong mga kadaut... Gipangita ko ang iyang bansagon, ug ikáw gitugyan karón ni Bathala sa akong mga kamót... Karon, bayre ang mga kadaut nga among giantus!
Si Crisostomo mitan-aw nga nalisang kang Elías, apan giyug-yog niini ang iyang bukton ug ang piloto misulti sa tingog ma-sulub-on apan nagpanguróg sa kasilag:
—Tan-awa, tan-awa ako pag-ayo kon nagaantus ba dagkung mga kaguól, ug ikaw nagapuyó nga malipayon, nahagugma sa usá ka dalaga, aduna kay bahandi ug panimaláy, ginatəınúd, nabu-hi... nabuhi ikáw!
Nawad-an sa kabuot, si Elías midalagan padulong sa dapít nga gibutangán sa mga hinagibán nga tinigum, apan igo lamang nakahulbot duha ka baraw, kiní iyang gibuhián ug mitan-aw kang Ibarra sama sa buang; si Ibarra wala mahaglihok.
—Unsa ugód untay akong buhaton? —nagkanayón, ug midalí pagkanaug sa baláy ni Ibarra.
