This page has been proofread.
—Dad-a ako ninyo sa akong higdaanan kay dili ako maka- lakaw nga usara.
Gisagakay siya sa pagtindog; gihalóg ang iyang hawak sa mga buktong malison sa iyang mga higalang dalaga, gipauraray ang iyang ulo sa abaga sa maanyag nga Victoria ug misulod sa lawak nga iyang higdaanan.
Niadto dayóng gabhiona nanghipus ang magtiayon, gipani- ngil nila ang balayranan ni Kapitan Tiyago sa doktor, balayranan nga miabut pipila ka libo ka pisos, ug sa pagkaingon ugma, sayo kaayo, nanggikan silá padulong sa Manila luwan sa salakyanan ni Kapitan Tiyago. Ang panimalus sa magtiayon gitugyan nila sa manggiulawong Linares.
— 406 —
