ako, ako wala mamatay human mobati labihang kaulaw, apan kon ako wala tugki sa kaisug sa usa ka amahan ardn paglaban sa akong inga anak, nahibilin kanako ang usa ka kasingkasing aron manimalus, ug manimalus gayud ako! Ang mga dinaugdaug nga nangasuko nanag-anam nag pasakop kanako ug ang akong ginsakupan ginadungagan kanunay sa akong mga kaaway, ug sa adlaw nga akong hunahunaon nga ako may kusog nang igo, molugsong ako sa patag ug didto tapuson k6 sa kalayo ang akong panimalus ug ang akong kinabuhi! Ug kanang adlawa moabut gayud, kay, kon dili, wala diay Bathala!
Ug ang tigulang mitindog nga nag-alindasay, ug sa tinan awan nga nagpangidlap ug sa tingog nga daw gikan sa ilalum sa yuta, human niya gabnuta ang iyang mga buhok nga tag-as, mipadayon pagsulti:
—Panghimaraot, panghimaraut maoy angay kanako tungud kay gipugngan ug gisanta ko ang mga bukton nga gibakyaw sa akong mga anak aron pagsilot sa makasasala; ako, ako mao ang nagabuno anilal Kong gipasagdan ko pa lamang nga namatay ang makasasala, kon wala pa ako kaayo mosalig sa katarungan ni Bathala ug sa mga tawo, ang akong mga anak ania pa unta karon sa akong kiliran ug wala unta sila mangamatay taliwala sa dili ikag-asoyng mga pag-antus! Ako wala matawo aron mahimong amahan, busa ang akong mga anak nangamatay! Panghimaraut maoy angay kanako tungud kay bisan ako hataas nag panuigon wala makakat-on pag-ila sa kalibutan nga akong gipuy-an! Apan sa kalayo ug sa dugb nga akong pabahaon ug sa akong kaugalingong kamatayon anha ko pangitaa ang akong panimalus!
Taliwala sa labihang kaguol nga gibati niadtong alaut nga amahan, nalangkat ang purong sa iyang ulo, nabukiki ang samad sa iyang agtang ug mibuhagay ang dugo.
—Tahuron ko ang imong kasakit — matud ni Elias —, ug nakasabut ako sa hinungdan sa imong panimalus; ang akong kahimtang sama usab sa imoha, apan tungud kay nahadlok ako nga sa akong panimalus maoy lubagan ang usa ka tawong walay sala, palabihon ko lamang ang pagkalimot sa akong mga kaguol. —Ikaw makahimo pagkalimot kay batan-on pa man ,wala kamatye usa ka anak ug walik kawad-i sa katapusang kalauman!
