Jump to content

Page:Noli-Me-Tangere-Cebuano-Visayano-ni-Jose-Rizal-1962-N719c.pdf/258

From Wikisource
This page has been validated.


XXX


SULOD SA SIMBAHAN


Puno kaayo sa mga tawo ang kamalig nga gitudlo sa mga tawo nga puloy-anan sa Magbubuhat sa ngatanan. Nagtukmoray, nagduotay, naggum-osay ug naniyabaw ang pipila ka buok nga nanggula ug ang daghan nga nanulod. Layo pa ngani iuna na pagkawhat ang ilang bukton aron pagkab-ut ug pagtunlod sa ilang tudlo sa agua bendita, apan takulahaw lamang iduot sa luyo ug ang bukton dili na makadangat sa iyang tuyo; dinhi mabati ta ang usa ka ngulob: usa ka babaye nga hitumban sa tiil namalikas, apan ang tukmoray nagapadayon. Pipila ka tigulang nakalugos pagtuslob sa ilang tudlo niadtong tubig nga nalubog na uyamut sa buling ug diin nanghunaw ang tanang mga molupyo sa lungsod labut pa sa mga dumuduong, bisan nagkalisud-lisud nanghidhid sa maong tubig sa ilang tangkugo, sa alimpulo, sa agtang, sa ilong, sa suwang, sa dughan ug sa pusod, hugot ang pagtuo nga tungud niadto gipanalanginan na ni Bathala kadtong mga bahina sa ilang lawas ug dili na sila bayuokon, ni sakitan sa ulo, ni takbuyan sa itika, ni sakitan sa tiyan. Ang mga tawo nga bata-batk pag panuigon, tungud sa kaha kay dili malagmit nga panakbuyan sa sakit, kun tungud ba kay wala manuo niadtong mga pangulang, lugos lamang nilang humdon ang turnoy sa ilang tudlo —aron ang mga tawong pakidiyos walay ikasulti kanila— ug mohana paghikap sa ilang agtang apan dili idapat ang ilang tudlo. “Aw, gipanalanginan man kaha sa pari kanang tubiga!” —tingali nagkanayon ang hunahuna sa usa ka dalaga — ,“apan tungud sa iyang kalubog, bisag suholan pa dili gayud ak6 motuslob sa akong tudlo! ...”

Didto sa sulod sa simbahan lugos lamang kita makaginhawa alimuot kaayo ug mahanggap nato ang baho sa mga tawo; apan kadtong tanan mahimo pag-antus tungud sa pagkaayong laki nga mowali sa pari nga gitudlo niadtong higayona; ang

— 251 —