This page has been proofread.
tà nga dilì makapaturók ug kagúol ug dilì usáb gikan sa kasakit. Taliwalà sa diyutayng kahilum, ang batà misinggit nga nagkanayon: ¡Pa ... pa! ¡Papá! ¡papá! . . .
Ang batan-ong babaye nahikurát, gisap-ungan niya pagkalit ang bàbà sa batà ug milagsik paglakáw nga naulaw. Ang batà mingaáb.
Ang mga tawong dautág hunàhunà nanagkidhatáy, ug ang mga Katsilà nga nakaalinggat niadtong hitabô iyahay lamag pahiyum. Ang nawong lusparón ni parì Salví mikalít pagkapulá.
Apán ang mga tawo walâ gayúy katarungan, kay ang kura walâ nganì makailá niadtong babayhana nga maóy usá lamang ka dumuduong midugok sa pangilin.
