mga alikabo; buut kita nga ang atong maayong kadungganan
mopatong ibabaw sa atong lubnganan aron niya dangdangon sa
iyang kainit ang kabugnaw sa kamatayon, aron ang atong handumanan dili mahanaw ug aduna gihapon ing diyutay nga mahibilin kanatb. Niining tanan wala kitay takus ikasaad sa moanhi
aron pagmando kanato. Ang labi da bang nakadaut niini mao
kay ang mga punoan mamauli inigsugod na nila pagkasayud sa
ilang katungdanan. Apan nahilayo na kita sa butang atong gilantugian.
—Ayaw una—midali pagsawo ang batan-on;—una kita mobalik paghisgot nianii, buut nako tinuon ang pipila ka butang. Makatugot ako nga ang Kagamhanan wala makaila sa lungsod, apan gituhoan ko usab nga ang lungsod labi pang wala makaila sa Kagamhanan. Adunay mga punoan nga walay dapat, mga malaksot, kon buut ikaw, apan aduna usab ing mga maayo ug kon kini sila walay takus mahimo kana tungud kay wala man usab ing magagunok: ang lungsod dili kaayo moapil niadtong mga butang may labut siya. Apan wala ako moanhi aron pagpakiglantugi kanimo mahitungud niining butanga: mianhi ako aron pagpakitambag, ug karon imo na hinuon akong ingnon nga kinahanglan iduko ko ang akong ulo sa atubangan sa mga diyosdiyos nga kataw-anan...
—Oo, ug balikon ko ikaw pag-ingon, kay dinhi kinahanglan nga iduko ang ulo kon dili ikaw palunggo sa liog.
—¿Iduko ang ulo kon dili palunggb sa liog? —misabat si Ibarra nga mihinuktok. —¡Mapait ang imong papilian kanako! ... Apan ¿ngano man ugod? ¿Dili ba mahimo nga managkatipon ang gugma sa akong lungsod ug ang gugma sa Espanya? ¿Kinahanglan ba gayud nga magpakaulaw sa iyang kaugalingon aron ang usa ka tawo mahimong maayong kristiyanos, kinahanglan ba nga isalikway ang tingog sa atong konsiyensiya aron paghimo usa ka butang maayo? Gihigugma ko ang akong yutang-natawhan, ang Pilipinas, kay kaniya nadawat ko ang akong kinabuhi ug kabulahanan ug tungud kay ang tanang tawo kinahanglan mahagugma sa iyang yutang-natawhan; gihigugma ko ang Espanya, yutang-natawhan sa akong mga katigulangan, kay, bisan pa sa tanang mga apan nga atong gihisgotan, ang kabulahanan
ug kaugmaon sa Pilipinas nagagikan ug magagikan sa iyang
