ang labing diyutay, kay si Gaffarel, human niya tun-i pag-ayo
ang mga giasoy bahin niining butanga ni Platon, Xanto de Lidia,
Plinio, Hermipos ug Eudoxo, nagtuo man nga ang Purgatoryo
una kang Hesukristo ug duha ka libo ug lima ka gatus ka tuig.
Apan bisan hain niini ing atong tuhoan, ang matuod ma6 nga si
Zarathustra nagahisgot na ug butang maagid-agid sa atong Pur
gatoryo ug nagtudlo siyag mga paagi aron ang tawo mahilikay
ug dill mahisugba niadtong iyang ginatawag ug Purgatoryo. Ang
mga buhi makahimo pagluwas sa mga kalag sa nangamatay sa
sala, pinaagi sa pagbasa pipila ka bahin sa Aueta kun paghimog
mga maayong buhat, apan kinahanglan nga ang mag-ampo kadugb sa namatay nga iampo hangtud sa ikaupat ka kaliwatan. Ang
pag-ampo himoon matag-tuig ug molungtad lima ka adlaw. Unya,
diha nga kining tinuhoana migamot na sa hunahun^ sa lungsod,
gihimong patigayon sa iyang mga pari, ug kadtong Purgatoryo
nga gipatuhoan ni Zarathustra gibuhat nga tadtaran aron sila makasapi. Gipatuhoan nila nga kon usa ka tawo mobayad kanila
ug usa ka derem, salapi kono nga diyutay dag bill, ang gidugayon
sa silot sa kalag nga ilang iampo kunhoran ug usa ka tuig; apan,
sanglit alang niadtong tinuhoana aduna may mga sala nga pagasilotan sukad sa tulo ka gatus hangtud sa usa ka libo ka tuig nga
pag-antus, sama, pananglit, sa pagbakak ang dili pagtuman sa
saad, ubp., ang gisangputan ma6 nga ang mga paring guwatsi nakaluklok ug libo ka libo ka derem. Dinhi makakita na kamo ug
maagid-agid sa atong Purgatoryo, gawas sa kalainan sa duroha
ka tinuhoan.
Usa ka kilat nga gisunod dayon sa usa ka masipang dalugdog, nakapatindog pagkalit kang Doray kinsa nangurus nga nagkanayon:
—jHesus, Maria y Hosep! . . . Tabi, biyaan ko una kamo
kay magdaig ak6 ug lokay nga bininditahan ug magdagkot kandila sa perdon.
Ang ulan misugod pagbunok. Si pilosopo Tasyo, samtang
nagatan-aw sa asawa ni Don Filipo nga milakaw, mipadayon pagsulti:
—Karon nga wala na siya dinhi, makahimo na kita paghubit
niining butanga. Si Doray, bisan may diyutay nga pagka-matuhotuhuon, maayong katolika ug ako dili mahagugmang molangkat sa pagtuo sa kasingkasing sa tawo. Ang pagtuo nga putli ug
walay kutikuti molahi sa pinutong nga pagtuo, ingon nga ang
-97-