This page has been proofread.
MINERVA — (Taas ang moong mapalalo at ang tingin ay nag-aalab, hahakbang nang minsan at magsasalita sa tinig na mabanayad.) Mapangahas na MARTE na nakalilimot sa mga kaparangan ng Troya, 28 nang ikaw ay masugatan doon ng isang pangkaraniwang tao; kung ang mga katuwiran mo'y nababatay sa iyong patalim, ang mga katuwiran ko naman ay hindi natatakot sumagupa sa iyo sa larangan ng labanan. Nguni't upang huwag akong ipalagay na kulang sa pag-iingat, ay nais kong ipakita sa iyo na malaki ang iyong pagkakamali.
Pinanuntunan ni CERVANTES ang iyong mga bandila at ikaw ay buong kabayanihang pinaglingkuran sa mga dagat ng Lepanto, na sana'y ikinamatay niya, kung hindi siya inilaan ng tadhana, sa isang mithing lalong dakila. Kung itinapon ang sundang upang gamitin ang panulat, ay dahil din sa kalooban ng mga walang kamatayan, at hindi dahil sa paglibak sa iyo, na katulad ng naiisip mo, dahil sa iyong kahibangan. (At sa lalong malambot na pananalita ay nagpatuloy:) Kaya nga, huwag kang maging walang-turing, ikaw na may isang mahabaging puso na hindi napapasok ng pag-iimbot at ng mga nakapupuot na damdamin. Tinawanan ang buhay ng mga tinatawag na kabalyero, sapagka't hindi na iyan ang bagay sa kanyang panahon; at tangi sa rito, hindi iyan ang pakikihamok na makapagbibigay-dangal sa iyo, kundi yaong mga paglalaban sa parang; ito'y tiyak na nalalaman mo. Ito ang aking mga katuwiran, at kung hindi ka napahihinuhod ay tinatanggap ko ang iyong hamon.
(Ito ang sinabi, at katulad ng isang mainit na ulap, na puno ng lintik, na lumalapit sa isang ulap din sa gitna ng malawak na karagatan, kung ang langit ay nagdidilim, si MINERVA ay lumakad ng mahinahon, na kipkip sa bisig ang kakila-kilabot na kalasag at nakatuon ang sibat na tagapagbalita ng kalagim-lagim na pagkaluray. Mapanatag ang kanyang paningin, nguni't nakapangingilabot; ang kanyang tinig ay nagbibigay sindak).
Pinanuntunan ni CERVANTES ang iyong mga bandila at ikaw ay buong kabayanihang pinaglingkuran sa mga dagat ng Lepanto, na sana'y ikinamatay niya, kung hindi siya inilaan ng tadhana, sa isang mithing lalong dakila. Kung itinapon ang sundang upang gamitin ang panulat, ay dahil din sa kalooban ng mga walang kamatayan, at hindi dahil sa paglibak sa iyo, na katulad ng naiisip mo, dahil sa iyong kahibangan. (At sa lalong malambot na pananalita ay nagpatuloy:) Kaya nga, huwag kang maging walang-turing, ikaw na may isang mahabaging puso na hindi napapasok ng pag-iimbot at ng mga nakapupuot na damdamin. Tinawanan ang buhay ng mga tinatawag na kabalyero, sapagka't hindi na iyan ang bagay sa kanyang panahon; at tangi sa rito, hindi iyan ang pakikihamok na makapagbibigay-dangal sa iyo, kundi yaong mga paglalaban sa parang; ito'y tiyak na nalalaman mo. Ito ang aking mga katuwiran, at kung hindi ka napahihinuhod ay tinatanggap ko ang iyong hamon.
(Ito ang sinabi, at katulad ng isang mainit na ulap, na puno ng lintik, na lumalapit sa isang ulap din sa gitna ng malawak na karagatan, kung ang langit ay nagdidilim, si MINERVA ay lumakad ng mahinahon, na kipkip sa bisig ang kakila-kilabot na kalasag at nakatuon ang sibat na tagapagbalita ng kalagim-lagim na pagkaluray. Mapanatag ang kanyang paningin, nguni't nakapangingilabot; ang kanyang tinig ay nagbibigay sindak).
28 Isang bantog na bayan-lunsod sa Gresiya, na kilala sa pangalang Troya dahil sa magandang akda ng makatang si Homero.
12
