Page:Mga Binalaybay V.3.pdf/87

79

Kamo nakita kong’ maligdong;
      apang ang inyo mga guya
Nga nagugmaan kon di masadya,
      kon sa karon nagaluspi na
Gihapon sila gapakita
      sang ila pagkamainunungon.
----------
Natanyag ninyo, o mga damgo!
      isang’ kabu sang kalipayan,
Nagkari kamo sa pagpukaw
      tinuig sang akon pagkabata:
Salamat: sa unos nga mabaskog;
      salamat, hangin sa kalangitan,
Nga sa igong’ tion inyo gintabla
      lupad kong’ wala’y padulongan,
Sa pagpatupok sang lawas ko
      sa natuboan ko nga duta.
----------
Sa luyo’ng masangkad nga baybay
      nga may pinong’ balas, mahumok
Kag sa ubos sang isa ka bukid
      nga sang kakahuyan puno,
Sa silong sang kahoy nga maanyag
      may payag ako sa akon pungsod,
Sa mahandong yang’ mga talon,
      may kahipusan nga matan-op,
Kapahuwayan sa akon utok,
      kalinong sa akon kasubo.
----------