Page:Mga Binalaybay V.3.pdf/86

78

Nagapukaw sang handumanan
      sang gugma kag sinumpaan...
Sa nakawaan, halanhanan,
      sa baybay kag nahandungan,
Mga kahipos, mga taghoy,
      kag kahuloy-an sa kalipay....
----------
Alibangbang nga ginauhaw
     sang mga duag kag kapawa,
Nga nagadamgo sang katamnan
      kag sang iban nga taliwala,
Sang bata pa ako binayaan
      ko’ng banwa ko kag hinigugma,
Nga naglagaw bisan diin
      nga wa’y kahadlok, kahangawa,
Ginhinguyang ko’ng pagkalamhad
      sa liwan nga mga duta.
----------
Kag sa ulihe, sang luyag nakon,
      bilang pispis nga kinapuyan,
Magbalik sa akon hinigugma
      kag sa akon mga ginikanan,
Gilayon humuyop mabaskog
      ang makalilisang nga unos:
Naguba ang akon puloy-an
      nagisi ang akon kuyos,
Sa iban nabaligya'ng pagsalig
      nag bisan dim may ginub-an.
----------
Gintapok sa malayong’ duog
      sa banwa ko nga nalulotan,
Wa’y puloy-an, lawas malain,
      naguba ang palaabuton,
Nagabalik liwat sa akon
      damgong’ daw bulak kag bulawan,
Nga sang bug-os kong’ kinabuhi
      amo’ng bahandi ko gid lamang,
Mga natuohan sang putli
      kag tunayng’ pagkapamatan-on.
----------
Wala na kamo sing kainit,
      sing kabuhi subong sang una
Sing linibong’ purong gatanyag
      sa dungog nga wa’y kamatayon;