- 58
- Mga Lin-ay:
- Dayawon! Dayawon! Kabudlay dayawon,
- Sang pungsod kusog, subong man nga manggad!
- Sa iya gapataas maligdong yang’ agtang,
- Sia’ng dugo, kabuhi kag pag-alagad.
- Kon ang pamatan-on maghalad sing gugma,
- Ang pagpangabudlay sina’ng mapatunay:
- Ang tawo gid lamang nga nagahimakas
- Ang makasagod sang panimalay.
- Dulongan
- ★ ★ ★ ★ ★ ★
- Kabalaan:
- Tudloi kami sang pagpangabudlay;
- Ang inyo tikang luyag namon sundon,
- Agud bwas kon tawgon na kami sang banwa,
- Ang inyo ginhikot amon nga tapuson.
- Kag magasiling ang mga tigulang
- Kon liwat kami ila nga makita:
- Tan-awa sila, angay silang' bata
- Sang mga amay nila! Sa nagtalaliwan
- Dungog wa’y gahatag ang paasong’ kamangyan
- katulad sa anak sang kaisog, liimaya. . . .
- __________
- SA MGA BULAK SANG HEIDELBERG
- __________
- KADTO sa pungsod nakon, bulak nga dumoluong,
- nga sang manlulogayaw tinudlak sa alagyan,
- kag sa silong sang langit yang’ tagumnon,
- __________
(l) "Kadto sa pungsod nakon, bulak nga dumoluong...” Amo ini ang panugod sang nahauna nga dalan sang nahauna nga hut-ong sang matahum kaayo nga binalayby ni Rizal, nga sinulat sang ika-22 sa Abril sang 1886, sa Heidelberg, Alemania, sang didto sia sa amo nga dumaan nga siudad, sa mabulakon nga mga pangpang sang Neekar. Ginlagdaan niya ini sing LAONG LAAN, kag ginbantala, sing nahauna sa LA SOLIDARIDAD, sa Madrid, sang ika-15 sa Disyembre sang 1889; ginbantala liwat sa LA INDEPENDENCIA sang ika-25 sa Septyembre sang 1898; sa HOMENJE A RIZAL, sa NUESTRO TIEMPO sang tuig 1905 kag sa iban man nga mga pamantalaan nga pilipinhon.
Isa ini sang mga labing’ mabatyagon kag makatalandog nga binalaybay ni Rizal.
Sinulat sa “narayahan nga papcl” ang tunay nga sinulatan yara karon sa Bibliyotekang’ Pungsudnon.
Ginbantala sa:
- 1. “Republica Filipina” sang ika-30 sa Dis. 1898.
- 2. Retana, W. E.: "Vida y escritos,” pp. 103-104.
- 3. Veyra, J. C. de: “Poesias de Rizal,” pp. 54-55.
- 4. Orosa, Sixto Y.: "Jose Rizal, el heroe nacional filipino.”
