13
NAKITA sang Hari nga sia binayaan Kag ang paglikaw ulihe na kaayo, Nanaog sa kabayo nga wa'y aputan Subong sang matalaw sa talon nalagyo.
DUHANG' kristuhanon nagsumalang sa iya; Kag nakilal-an sa tandang' harianon, Gilayon kay Don Diego gindala sia nila Bihag kag linutos nga haring' halangdon.
SA Lucena, ang kristuhanon nga Diwa Nagpayaob sang gahum sang bugalon Nga sa talikala buot magapos sa iya Masubo nga bihag luyag ya himuon.
3 sa Disyembre, 1875.
ISA yadto ka gab-ing' masubo kag mahipos Nga'ng iya handumanan sang dughan nakasub-an, Katapusan nga gab-i nga ang moros nga hari Sa matahum nga duta sang Alhambra nagtumban. Maluspad ang nawong, gabunghay ang buhok, Lapyo'ng mga matang' may mayaming' panulok, Nagadungok ang ulo, nahulog ang nawong Ang masubo nga moros nagtulok sa palasyo. Yana gintulok sang moros, kag masulog nga luha Sa iya mata nagdigos, nagdalan sa iya pisngi, Sa atop nga bulawanon kag inarabyahanon Binutang ya liwat ang lapyu yang' panulok. Ang paghimud-os sadto sang moros maluhaon Masubo yang' gindumdom kag madaugong' mga away;
(1) Nasayran anay sa tig-ulo nga "Ang pag-agaw sang Granada": binuksan sang siudad ang iya mga ganhaan sa mga nagdalaog (ang mga Hari nga Katoliko). Isa ka panugiron ini sa binalaybay nga sinulat sang 3 sa disyembre sang 1876, suno sa sulat ni Tal. Pari Francisco de Paula Sanchez kay Gg. Ramon R. Guerrero. Wala masayri ang kabangdanan sang pag-ilis sang tig-ulo sang amo nga sinulatan ni Rizal tungod nga wala ang tunay nga huwad, nga, lakip sa iban nga madamo, nagkasunog sang paggwa sang mga hapones gikan sa Manila sang 1945. Ini nga sinulatan ginbantala sa "Dia Filipino" sang ika-30 sa Dis. sang 1921, pp. 36-37 kag subong man sa "Poesias de Rizal" ni Jayme C. de Veyra, pp. 12-16.
