This page has been validated.
- Sa ginsiling ko sa imo, tungod sa isa ka hari
- Nga karon ginalisdan kag tungod man sa Roma
- Sa daku nga kaluyag: agumon ko’ng maayong’ padya?
- Tungod sini dapat pa ako manginmatay, maaway;
- Kay ini tungod lamang sa isa ka kailo.
- Tungod sa Dios kong’ gaagda sa akon sa lya himaya
- Labi pa’ng utangon ko sa Diwa nga masanag!
- Kag labot pa, si Adriano indi makapabangon
- Sang lawas ko sa kutkot nga nakalimutan na
- Kag di makapuyo sia sa danayng’ malipayon
- Subong sang ginahatag na sang Diwa sa akon.
- Pabay-i ako magkadto sa aton mga hulot
- Agud mahambalan ta ang mahal tang’ pagtuo...
- Sa tinion nga inoglumbos sining’ akon kabuhi...
CLAUDIO. (Ginsal-utan sia) Tinion nga katapusan sina’ng imo kabuhi?
- Pagpanumdom ka, Flavio, binagbinaga’y maayo.
FLAVIO. Ako nagapanumdom kag nagakasubo gid
- Mahal nga abyan nga indi ka makaagum upod sa akon
- Bahin nga malipayon sang bugay nga langitnon.
- Sagapon ta’ng hidait sa balaan nga langit!
CLAUDIO. Langit di ko nauyonan. Labi’ng gugma ko sa imo
- Sangsa pagbanta nimo, Flavio. Ano kahapdi!
- Tungod ginhigugma ta, nagahibi ako nian!
- O dughan nga mapintas, dimabaluson, matig-al
FLAVIO. Indi tuman katig-a nga sa imo di kabatyag
- Sang daku nga kasakit nga akon karon ginaantos,
