This page has been validated.
EUSTAQUIO. Huo, Flavio, sa tingog ko Iya ikaw napasalig
- Nga batunon ka Niya sa duog Yang' balaan,
- Lamang higugmaon mo Sia sa gugma sang anak.
FLAVIO. Upod sa imo'ng nahandum nga padya nahulat ko
- Nga natug-an mo sa akon... Tito, haksa ako!
EUSTAQUIO. Haksa sia kag kita mapatay gahaksanay!
- Nahaunang' Gwa
- Si Claudio kag si Flavio
CLAUDIO. Sa katapusan, Flavio, ano sa imo kabuhi
- Sarang ko mahulat?
FLAVIO. Naisip ko, mahal nga abyan,
- Nga gahulat sa Langit sa akon duog nga matam-is
- Kag hidait nga dayon; apang upod sa akon
- Ikaw imo wala?
CLAUDIO. Nakita ko'ng amaynon
- Nga kinaalam nagtuytoy sa imo paghangop
- Sa alagyan diin tamayon nimo'ng imo kabuhi.
FLAVIO. Di sa gugmang' nasagap nakon ang kamatayon.
- Ang katarungan gaagda sa akon sa amo nga isip.
- Kon ang akon amay (ilikaw lang sang palad)
- Magtuman mga sugo ni Adriano ako
- Labi nga magabakod subong isang' bato
- Kag akong nagabilang sa ilang di mabaluson
- Ang natudlo sang Diwa akon nga padayunon.
CLAUDIO. Apang ining' pagtuo, Flavio, gapangayo
- Sina'ng imo dugo?
- Ginapangayo nian;
- Apang, tan-awa, Claudio: kon luyag ko'ng mag-away
