Page:Mga Binalaybay V.3.pdf/142

134

Nga ginhalaran nakon sang mga sulab nakon
Sadto’ng nahauna kag lamhad kong’ tinuig?
Halangdon nga Dakhari, diin na si Trajano?
Ang katsila nga kutob sa duog nga akon
   ginpuy-an
lya ako ginpili nga punggan mga Parto
Sa paghalin sa Lacio, sa kusog nga wa’y
   tupong,
Pagtapos sang maantuson nga mga
panglakaton,
Sa paglaktod sang mainit didtong’
   kabanlasan,
Agud nga magpuyo sa dutang’ maiwat
   puy-an.
Ginpatad ang kabuhi sa mga hitabo
Nga mapintas sang tuman kabudlay nga
   inaway?
Diin sila, Ginuo? Makaagum ako’y padya
Ukon isa ka bulig sa lapyu kong’ tinuig?
Kag ginuo, ikawng’ nakita ko sa Roma
Bansagon nga kasal-i sang bantog nga
   Trajano,
Nga sa iya gindala ko maisog nga mga hari
Nga sing makahuloya natalikalaan;
Mga banwang’ wala kakilala’ng imperyo
Sang agilang’ romanhon, karon sa trono
   nimo
Gabalayad buhis kag mga binilanggo;
Nano nga mga padya sa isa ka kinabuhi
Ang matug-an mo sa akon? Sanglit sa akon
   pagkilala
Kabuhi ko malip-ot, nahandum ko’ng
   kahilway,
Makahatag ka sa akon gakabagay nga
   padya?
Kon may kabalaslan ka sa mga pagdaog ko,
Sarang ka makatug-an sang wala’y katapusan
Ng padya sa akon kaisog, nga nag-unong sa
   trono?
Isang’ halad sang dili balaan nga kamangyan
Nga luyag mo ihalad ko, agud magpasipala
Ako sa akon natuohan, sa di putling’
   Jupiter,