Page:Mga Binalaybay V.3.pdf/14

6 SA BATANG’ SI JESUS⁽¹⁾ -----

NGAA, nabun-ag ka Diwang’-bata

Sa duyang’ kubos sa kalibutan?

Nayaguta ka sang Kapalaran,

Nga halos ka pa lamang naggwa?

Ay, kasubol Nga sang Langit Hari

Nag-abot nga sang tawo katulad!

Magmakagagahum di mo luyag,

Kundi Tagbantay sang imo sari?

---

⁽¹⁾ Binalaybay nga wala mabantala, napetsahan sa Manila sang 14 sa Nobyembre, nga wala masambit ang tuig, suno kay Dn. Mariano Ponce. Si Retana nagapati nga sa panahon yadto nga si Rizal nagtuon sa ikaduha ka pagtulon-an sa Ateneo Municipal do Manila, 1874-1875.

Ang tunay nga huwad nasunog sang 1945 sa idalum sang pagtipig ni Dn. Leoncio Lopez-Rizal.

Ang isa ka huwad sini yara sa ikalima nga pamihak sang “Poesias de Rizal” ni Dn. Jayme C. de Veyra.

----- ANG PAGPALAYAG⁽¹⁾

(Ambahan sa guban-sakayan ni Magallanes)

-----

ISA ka matahum nga adlaw,

Samtang nga masili kaayo

Sa Bulotlakan si Pebo ⁽²⁾

Malipayon nagsubang,

Didto sa Barrameda

Sa daku nga kinalipay

Ang hulag nga daw inukay

Makita bisan diin lang.

---

⁽¹⁾ Si Gg. Ramon R. Guerrero, suno kay Don Wenceslao E. Retana, sa balita nga pinadala sa iya ni Pari Francisco de Paula Sanchez, nga propesor anay ni Rizal sa Ateneo Municipal de Manila, nagasiling nga ini nga binalaybay ginpetsahan sang tagsulat sing ika-5 sa Disyembre sang 1875. Apang suno kanday mga Gg. Vicente Elio kag Mariano Ponce, ini sinulat sang 1874. Apang si Dn. Ramon R. Guerrero sing iya, nagapati nga sinulat sang 1875, nga ginsambit niya nga palasandigan si P. Sanchez, isa ka propesor nga heswita ni Rizal sa Ateneo Municipal de Manila. Una nga ginbantala sa La Patria, sa Manila, sang ika-30 sa Disyembre sang 1899.

Wala na ang tunay nga huwad sini tungod nga nasunog sang panahon sang paglwas sang Manila, sang 1945.

Nabantala sa:

1. Dia Filipino, ika-19 sa Hunyo sang 1921, p. 48.

2. Retana, Wenceslao E.: “Vida y Escritos del Dr. Jose Rizal,” pp. 26-27.

3. Veyra, Jayme C. de: “Poesias de Rizal,” pp. 6-7.

⁽²⁾ Febo — Ang adlaw.
⁽³⁾ Carabela — Sakayan nga tatlo sing palo kag may mga layag sang panahon sang mga katsila.