Kuas roʙtuꞩdədь saamit iļgi ꞓut losə jeled, sij vuļkin vuestlasta kulakit. Saam̦ kulak vajdin iƶmit, kok ansin sinin puhk valt. Saam̦ kulak alkin uzkxed roʙtuꞩdədь olmit iƶmi əl. Roʙtuꞩdədь saam̦ jev toļkxine kulak vuixmuƶit i alkin kesknes toara iƶmiguim. Nidt klasstoar Kuəļpieļsualest ļaj vuajxinꞓ nacionaltoar.
Car valt tən i tati ꞩtoʙə roʙtuꞩdədь olmit toareꞓin kesknes. Losis nacionaltoar saamit i iƶmit ļaj jenamp 30 igke. Toar i adta viala lij modtam sajin. Jenəj saam̦ jev toļke ꞩtə sin rehķ jevle puhk iƶem, a toļk sin vaʙtək-kulak. Sij jev toļke ꞩtə sije ʙədə toared kulakiguim iƶem i saam̦.
Maxt roʙtuꞩdədь olmu Ruꞩ jemnest toarin jiʒes valt dit.
Car ʙaļ nuezeļt jilin je toļk roʙtuꞩdədь saam̦. Nuezelt jilin roʙtuꞩdədь olmu mudtam narodit Ruꞩ jemnest. Lanin roʙtuꞩolmit təgknin zavodnehķ. Sijtin krestjanit təgknin kulak əvtest cerkviguim i monastьriguim. Cerkvit i monastьrit antlin jenəj jemni. Popit i missionerit antlin jenəj teņked.
Roʙtuꞩolmu di krestjan toarin vuəsta kulaki i zavodnehki. Kulak i zadvodnehķ jenəj igke lijen vigsamp roʙtuꞩolmi di krestjani. Car vaļt lij vaļt kulakit i zavodnehkit. Son vulgtəlь vuꞓjit i zandarmit tagked i ŗaꞩkted roʙtuꞩdədь olmit.
6
