ʙtəkvednes sij pahkin vajvaꞩ olmit roʙtuꞩed siji: pьned ꞓudcijt, ꞩiled kuəļ, kiazted tavrit.
Təndit vikꞩis xozjin vaʙtovev vjal janamp. Vəxtənə Kuəļpielsualest ꞩədьj ij ꞩur nomer vaʙtək-kulak, ku tuļļi jiʒes kiedest jenemuz jiljit — vajvꞩit i ʙatrak. Ꞩəntьꞩ kuxt grupp olmnete, vajvaꞩ i kulak, kohk tiaxtьtьs kants-kantsenes. Saam̦ keskest algtove klass vajpmuꞩ.
Puedtmuꞩ iƶmit.
Kuas algotve joktətmuꞩ saamit kuvt gruppe, Kuəļpieļsualje pudtin iƶem. Sij pudtin Peꞓora jemnest. Tomeļt 1887 igest ꞓudcin ļaj nuezes kəʙtuꞩ. Kəʙest jenəj puaɜit rohped. Ꞩur ꞓuaɜneķ vajvaꞩluviꞩ. Iƶem iļkin vialhteted Peꞓorest.
Əxt kulak-iƶem kule ꞩtə mer tueken lij ꞩigh jemņ, kost vuaj pьned pudcijt. Son vulgit tohk jiʒis ꞓudcijt. Mənə əxt igk, vialhtadьꞩ kudtьꞩ modtin piaras. Iƶmest vialhtadьꞩ kudtьꞩ iƶem i neneç― vaʙtək vajvasguim i ʙatrakguim. Vəxtənə Kuəļpieļsualest iƶmit iļgi jenəj.
Iƶem lijen milvamp saamit. Sij mohtin puaremp vьgked puaɜjalmuꞩ. Əvteļ saam̦ pudcijt kiedest je pьneminꞓ. Saam̦ luꞩtlin pudcijt valta. Pudcu sinin jenəj kadnin. Iƶem je luꞩtlinꞓ pudcijt valta. Sij pьnev pudcijt kiedest pьr igke. Od sajin iƶem vəxtənə iļkiꞩ vaʙtkamp saamit-xozjinit jəmne.
Iʒes saam̦ kulakit laꞩnin vereș iƶem kulak. I roʙtuꞩdədь saam̦ vjal janamp təgknьn.
5
