Anestmuꞩ Saam jemn.
Anestmuꞩ jemņ algteve tana, kuas saame keskest idtin kahpiez jeres jemnest. Ruhc, tar, lad, maŋatest ruꞩ kahpiez pədtlin jiʒis tavrin. Tavar ļaj ņuəș, vugas. A sij migkin tən tavar kalꞩes arvest. Sij valtin vuajtese saamin ꞩigh navd i kuəļ. Jenep vujsted navtit saamin, sij pəxtlin ven di jugtin narot. Mogkam kiꞩkim kahpꞩimuꞩ kahpiez vaʙtəklьvin.
Saam̦ jev taxtenꞓ anted jiʒes tavar mavsta i vuajhtiꞩ kahpiezit. Tana kahpiez puhtlin miļte pesnehkit. Pesnehk pəjel vigh poahkin saamit antehted kahpiezet.
Pajꞩe kahpiezit ij jugki vuar odjetьnꞓ tuljed pəjeļmilse saamed. Tana kahpiez əntin ansaninꞓ sinьguim jemne jiʒis gosudarstvi. Gosudarstvo pjalꞩimuꞩin, su zakonin i pesnehkvighin, kahpiez vəjin valdest kiꞩked. Nidt saam̦ jemņ ļaj luaxkmьnꞓ jenəj saje. Tar, Ruhc i Ruꞩ jugkiꞩ kesknes saam̦ jemņ. Lose ļaj teit igit saamit. Saam̦ mojnsin lij teit igidit jenəj loses mojnsite.
No roʙtuꞩdədь saamit kiꞩkev jev toļk jeres jemņ kahpiez. Sinit nitƶe kiꞩkev jiʒis saam̦ vaʙtək. Əvteļ rodjalmuꞩest saam̦ jelev vajvaꞩt. Nikest jev lin ꞩur vaʙtəkvud. Kuas pudtin kahpiez, tuj ꞩədьj numpnala. Mudtam pirez kehpin jalmuƶ i tagazin vaʙtək. Sist tagazin ꞩigh nuəht, ꞩur puaɜ ꞓudce, jenəj tavar i teņk. Va-
4
