— 83 —
Yed ab sanö! Binom man sapikün,
tikäl, kel vo numom al gletikün:
gudikünos, kel obes edefom
volapüki balöl, edatuvom.
Läbö! Menad valik su lölik tal,
nu getomöd blodiki püki bal!
Ledlim jönik binom nu velatik
nu blüf düfik binom nefikulik.
Nu tö ozispanom länis tala
tan netasbalifa, blodalöfa.
Letal tän ovedom län bal bido,
e mens valik, blods, vedoms läbiko.
Füden menis gudliko balomös,
leklig bludik nevelo tädomös!
Lekan e te nolav vikodomsöd,
menes valik sol läba jinomöd!
Sikod palobemöd steif nobik!
Alim gälomoköd püka nulik!
Vo män gletik, letälenik famö!
Ledatuvel volapüka lifö!
Joham* Humler.
PUKEDAVÖDS FA WESTTEIN*.
Sap no jelom oli neletü vexads, ab sap tidom oli sufön valikis.
—
Maföf noe binom fon takeda ä sauna, soi binom fon i, benodöfa obsa.
—
Bufumo binolös söl, kel vobom äsliko dünan, kel nedutom äsliko söl.
—
Dunolöd gudikosi e no glifolöd kime.
—
