— 82 —
stunom nolöl das lanel galelik oma, ibinom Elisa et kelofi ijemodon ed ifögetom; Elisa et kelof äsagof ome:
— Löf, keli äkösekob ole, äbinom löf vomik, 1öf lesinik, kodü atos sül äpönom obi meköl obi neläbik dub glöts fa kels nat obik pätläpom. Ven peklinöl fa dol ävedob lanel, älöfob oli äs lanels löfoms, nen glöts, nen okasük e läb oba ebinom savön oli. Lenadolöd difi sibinöl bevü löf lanela e löf voma.
Lovepolel: N. de Ugarte.
POEDEL PEKOSEKÖL DATUVALA VOLAPÜKA LOVEPOLAM
POEDALA DEÜTIK* FA HUMLER.
O mens! Vo cedolsöd olis läbik,
bi edalifols timagi gletik,
kel ve divis valik mata tovom,
e gletikis datuvamis pälom.
Levobadis, kel dub valud nola,
edatuvom sapik tikäl mena
leno nedob, oles omsi nemön
binols in seitäl, omsi sevön.
Gasin polom obis in geilün,
vo stem fibik, binom näm gudikün,
e kis ko lektin mens kanoms mekön,
kanols logön, ab no lekapälön!
E nu länis valik-netis valik
fetanälom stenüdik tan lelik,
pedakiköl binom obes sun tal,
sükön läbi nobik in länas val.
Ye nog stöpis labom melak vola:
Jekik babülonik kofud püka,
menes lefikulis gletik mokom,
bi nog töki tikas menas stöpom.
