Kalif äbinom pelegälöl sovemo dö jön e venud ofik, das äsevokom:
— Binos läb oba gletikün das evedob stor!
Nu ägoloms kobo al Bagdad. Kalif ätuvom in klots omik no te böki ko pur magügik, ab i böbi omik. Sikod älemom in pag nilikün kelosi äne- doms plo täv, e so ärivoms suno leyani de Bagdad.
Lödels äbinoms vemo estunik, ven kalif äna- kömom. Ipokon lusagi das ideilom, e sikod äbi- noms nu legälik, denulogön söleli omas pelöföl.
Het omsik ba cütel Mizra äbinom yedo meka- dik. Ägoloms al ledom e en ädeblinoms magügeli bäledik e soni omik. Kalif äsedom fati in cem rui- na, keli jileson ilödof as jilül, Us ämekom lägön omi. Sone, kel no äkapälom kani magügik fata omik, kalif äletom väli va ävilom deilön u gebön de pur magügik. Bi äbizugom lätikosi, levesir älo- fom ome böki, e dub magügavöd keli kalif äsepü- kom, äceinom in stor, Kelil ämekom kikön omi in smafanüb lelik, keli äpladom in gad omik.
Kalif älifom lonedo e koteniko ko jimatel omik. Düps oma gälikün äbinoms yedo uts, in kels le- vesir äkömom visitön omi pozendelo. Täno äpü- koms ofen dö storaventür omsik, e if kalif äbinom in vim legudik, änaldunom sotimo mufis, kelis levesir ämekom, ven äbinom stor. Täno ägolom ko logod fetik e futs stifik da cem, äflapom ko lams, äsif äbinoms flitads e äjonom, kimiko leve- sir ibiegom vanliko äl lefüd, sevokölo: Mu — Mu —. Atos äbinos egelo gälod gletik plo jikalif e cils ofik. If kalif äflapom yedo tu lonedo ko lams e äbiegom, sevokölo: Mu — Mu —, levesir ätädom omi konön jikalife utosi, kel pibepükos fa stors bofik in ruin, bifü yan cema, keli jileson pebema- gügöl ilödof
Marie J. Verbrugh.
