Nud peflotöl.
(Dumas).
Vöno äsludob befulön komitätis obik futo. Ävafob obi löliko ta leneflenöf kaloda; äveadob obi in mäned gletik astrakanik; äsävob lilis obik in köf plädik; ätegob nökebi obik ko nöked lainik, e so ävenüdob segolön, du te tip nuda obik äbinom nepetegöl.
Begino valikos ägolos legudiko; sägo ästunob das kalod äflunom obi so nemödo, e äsmilob klänöfiko dö kons valik, kelis en ililob. Zu äbinob legälik, das fäd igivom obe pöti at al kösömön obi len klüm. Deno ven julels tel, kelis ävisitob, no äbinoms domo, äbeginob tikön das fäd ämekom dinadis tu gönik; süpito yed äniludob logön, das pösods kels äkolkömoms obi, älenlogoms obi ko tlep semik, do äsagoms nosi obe. Suno söl, pükotikum jiniko ka votiks, äsagom obe ven äkolkömom obi: «Nofs*!» Bi no äsevob vödi lebalik püka lusänik, äklödob das no ämesedos töbi stopön demü vöd basilabik e ämostepob.
Len fin Peilasüta äkolkömob ninläneli, kel ämogolom ko spid gletikün, du äkopanom nifa-
