— 36 —
Nök. — (smilöl bösetiko) Pük valemik! a! a! a! binos tu smilik! Vadatam[1] zileka! muf levelik! pük volik! a! a! a!
Klöd. — Yed...
Nök. — Tüm Babela papladöl su tip oka! a!
Mis. — Ab nök löfik lielobsöd omi büo!
Nök. — Pük.... a! a! a! pejaföl.... a! a! a!
Klöd. — If......
Nök. — Pejaföl... a! a!... fa man sembal! a! a!
Mis. — Kikod smilön dö bos nen sevön osi?
Nök. — No! binos tu cogik! klödom das kanon jafön püki. Li-klödol i das kanon jafön bimi?
Klöd. — (egelo stilik) No nogo; do dageton ya me lanedat skilik, flolis e flukis kels stunoms bo planis kels poloms omis zu, if no binos mögik fablüdön plani nen sov, pük nulik i no pejafom nen gelmin: esumon vödis e fomis okik se püks sibinik; datuval as gadel skilik esuplanom stamilis nulik ini stam stenüdik ya sibinöl; ekötom tuigis nepöfüdik e, fanölo kudiko sökis kels tuetomsöv gelminis yunik, edagetom glofubi no nog vemo tufik ab klina e nomomafa nepesevöl jünu.
Nök. — Flols selednik kels ogäloms nulälelis anik!
Klöd. — Fluks pöfüdik kels odünoms menes valik.
Mis. — Te fluk? dämö!
Klöd. — Tlodoloköd jiblod löfik; sibinos plans pöfüdik ko flols lejönik.
Nök. — Epölüdom kapäli!
Klöd. — Kikod bepükön dö mög dina pla xämön if sibinom u no: eko penedis pepenöl in pük nulik: pelilädoms e egepükon omes... no binos mögik... binos.
- ↑ Quadrature du cercle.