— 35 —
zifels nenumik evedomsöv vitims nesinik klimadunelas luvisedik.... Kanonöv nog jonön bizugis votik toma if pöfüdöl ata no äbinom-la peblöföl säto dub pöfüd keli pekusadel it kanom tuvön us, bi binom also cödel in pözet okik e masel vitön cödati deila. Kel tädom omi.... zu ebinos nemögik jünu pladalön tomi dub med so gudik e loföl defis so nemödik.... fino südod et labom vuli in ültims menada e pegebom fa nets valik.... atos binos pestaböl su plisips nelemufik e pegitöl fa plak levelöfikün, e tapüks pemotoms fa sit sembal nula e voluta oiblekomsok len etos».
Nök. — E deno no vilob en!
Klöd. — Jinos das labom smeli puoda!....
Nök. — Tadilo klieg.....
Klöd. — Labedom nog smekili feinik!!
Nök. — Benö! Nepölols e aipölob. Nu vipob, äs ols,
volekami dölas olas valik; (do no vilob tupön obi demü et) vilob das mens binoms lefulik, das valiks binoms gleta ot e köla sümik e das pükoms püki bal e ot. Gololöd flen
oba! volekolöd obe atosi; valadob oli in
glestul[1] obik; e sosus ulefulol sugivi at
okomolöd sagön osi obe....
(siedomok koveniko e smülom kofiko).
Klöd. — (stiliko) Glet ot?.... äbinosöv säto fikulik.... deno... yufü sevälam[2] skilik.... Köl ot? ... ba ädagetonöv bosi me tinäts.... ya voms valik lifayelas fols labofs logodi köla leüdapurik. Tefü pük ot labol livami sugiva in pok oba. Eko pük valemik, vemo balik e...
