— 33 —
Mo... Mozart! atos posagos tefü... D. Juan!!
Klöd. — E kanob jonön ole sümikosi tefü mans e dins ti valik kelis milagol adelo.
Nök. — (Bosilo pekofudöl) ö... ö! ö!! blöfos nosi dunoföv gudikumo kanitön musigi sembal bäledik e peköseköl.
Klöd. — Si sötoföv kanitön: «si ut si si la la sol — si ut si si la la sol la».
Nök. — Kis binos atos?
Klöd. — Melod löfäbik... mayeda Louis XII reg Flenta panemöl: fat popa.
Nök. — No! binos tu bäledik. Din sembal, tik lekanik u datuv pöfüdik, sötom, al plidön obe binön äs foet kel no binom vemo gudik kü binom uf tu flifik ud puodik sod te kü labom smelili smalik.
Klöd. — Dämö! das foet no paimotom ko smel at legudik! e das yagel sembal mütom funön omi büo e kukel konsefön omi du dels anik...
Nök. — Binos lindifik obe. Gononöd plo ob da lömib u nif, dislitonöd klotis oka len spins u funonöd oki dub glöbs oka it... ob te fidob e krütob. (Misalade kel plifof kloti smalik). Kisi nägol?
Mis. — Klotis plo cils kels epölüdoms fati in klieg lätik — smalikels pöfik! sibinoms in misalöf so gletik. — O! binos vemo lügik e mens binoms vemo badugik!
Nök. — Egelo tiks ot! yülob das vipol das mens valik binoms gudik!
Mis. — If äbinos-la mögik — si! e if äkanob-la.
Nök. — E vipol i das valiks binoms läbik?
Mis. — If äbinos-la mögik — ed if äkanob-la yufön omis...
Nök. — Ob i! ye no ätupoböv obi demü atos e yülob das vipol das klieg no sibinom fälo...
