— 32 —
Klöd, nef omik studom len litam.
Misalad, jinef omik nägof klotis cilik e kanitof loviko:
Nek golom
yed ek kömom
vö! flolatim
smilom in säl
teps jekik yiloms
mune svidik.... ..
Nök. — Kisi kanitol?
Mis.. — Ob? no nolob.... o si! binos set se lop «Walküre».
Nök. — No stunos obi! pösod äs ol sötom kanitön musigi füdena! lio kanon kanitön bosi fa Wagner? kel ejafom nevelo melodi sembal (mufom kapi) Mozart, Mozart, gödlik! benö! ab Wagner olá düfik, nekapälnik, Wagner ko benotons selednik..
Klöd. — (Kofiko) Nök nepölom eko en blöfi (manifom buki e lilädom): «No binos tuvät stumas kel sötom pükön in vobad musigik sod lad, sen e liedod lautela; tän ab notüfelom gletabidiko, tän nem omik rivom jü poslifels e lor aiglünik flolom plo om in tem nedeilöfa.... Wagner... ävilom penön bosi levemiko, neposdunliko gletik. Vö! levemikos sibinom us ab no gletikos neposdunlik... jafel.... lopa et.... no ebinom lad, sod vim e pleit. — ... Fin eta sümom bepename fina vola, kö seps pablekoms äs glöps soba e vinditalanel Söla suvokom funis me jekatopet... lop et... äplöpom bi tikäl pevafemöl e vutofs filasputöl binoms maget stenüdik.
Nök. — Bafö! atos binos gudikün, lefulnik! givolöd osi obe; vipob denulilädön atosi (pladom lüni su nud okik) ö... ö... ö... kis binos atos!! «Timabled de Berlin... Balsetelul 20id 1790!!
