— 31 —
MOBIN TIKÄLA
Ji-dünan: Söl plofed, depad enakömon. Plofed (liladöl): Dukolöd bevüno omi in saluni.
LAPINEL KONSIENIK.
Lapinel älabom kösömi dilöna moni pelapinöl a laf ko ut kele ilapinom moni. Pöfikele sembal kel no älabom plu ka flonis vel lapinöl moni at äsagom ote: De ats lönoms obe flons kil e lafik. Kisi odunobs no kanöl cänön al dilön floni folid? Pofikel äsagom: O söl, sumonsös vö i folidi.» Lapinel ägepükom: O blod, God jepomös obikosi, no flagob löni votikela.»
PALEFELS.
Lubegel sembal äbegom nobele liegik legivön limuni ome, binöle blod omik. Nobel äsäkom: Lio binol blod oba? E lubegel ägepükom: Obs valik lienobs de fat e mot bal, kels ebinoms Adam ed Fva* Liegikel ägivom ome köni smalik kopedik. Lubegel äsagom: As binöl palefel oba, givol obe nemödikosi. Ägesagom nobel: If alim blodas olik givom ole so mödikosi, obinol suno liegik.»
PROBATUM EST.
Nolel sembal äliladom neito buki dö «Kläns nata» kel äsagom, das balib gletik mena binom-la mal stupäla ota. Ävilöl lenlogön logodi omik äsumom loki e litapoli. Ab demü nekaut äfiledom ti lafi baliba omik ed äpenom len sim buka öt: probatum est.
DAGOL BADIK.
Dünel sembal golöl su veg foginik äkömom ko cuk oma len joli fluma sembal nilü pag smalik.
