Page:Literat Vpk.pdf/33

From Wikisource
Jump to navigation Jump to search
This page has not been proofread.

— 32 —

No sevöl topi dagola äsäkom jepeli smalik: Sagolöd blod oba, stepon is da flum? At ägesagom: Si, is detiko. Dünel ko cuk oma ägolom in flum e pos steps anik änindisom jüzön.

Äflekomok zuniko ta jepel ed ävokom: Jäpel, kikod eneveladol? At ägepükom: Vo! no eneveladob, ibo is gans oba e nidela obik Pedro Sanchez goloms vädelo da flum.

Gutensohn.


COGIKOS.

Pablo (pulik velyelik) — Päp, mekolös obi danüdön su kiens olik.

Päp (tedatävel) — No kanob, Pablo; binob tu fenik timilo.

Pablo. — Don Juan nevelo binom tu fenik.

Päp. — Kim binom don Juan?

Pablo. — Binom söl vemo keinik..... aikidom möti ven mobinol!


In pänajul. — Sugiv binom pänod plisenöl lovegoli de Ledamel fa Hebränels.

Plofed. — Li-efinol vobadi olik, Pedro?

Julel (jonöl pänodi miotik e bakölik) Si, söl.

Plofed. — Milö! Kiplad binom mel?

Julel. — Emogolom!

Plofed. — E Hebränels?

Julel. — Elovegoloms!

Plofed. — E Ägüpänels?

Julel. — No nog enakömoms!


No-li binol bäledikum ka jiblod olik, Mercedes?

Si; ab labob ti nosi umo ka of..... töbo mulis kil!