— 18 —
E glumälik täno, ko ladälod lügik
In Füdena Buki nünom — debi olik!
(ma poedat nedänik «De Génestet»)
LEM PENOSÖL.
Du zendelalefid in loted gletik tedatävel vemo pükotik äskanom laiko söli sembal, keli älenpükom alina e keli ämekom zeili de faseds oma badik. Äjinom klödon, das söl at äbinom calablod de om.
Bi söl ägivom ye gepükis blefik e pleidik su säks omik, tedatävel äsäkom ome:
«Binol i tedatävel, novo-li»?
Votikel äsmülom, e nag imeditom du timil ägepükom:
— Si, söl.
— In kis tedol?
— In nuds.
— Li-nuds pöpik u maseks?
— No söl, tedob in menanuds».
Lots valik smiloms.
«E kisi en dunol?
— Atos binos klän obik. If alim änolom atosi, ted obik no äblünomöv obe lepöfüdi mödik. Ab vilob blöfön ole, das pükob fefiko; labol nudi magifik, söl, vilob lemön omi foviko.
— Li-nudi obik?
— Nudi olik.
— E kiüp mütob blunön omi?
— Lönom obe foviko, ab dalob ole natiko bekipön omi jü deil olik.
— Atos no binos so badik. E li-pelol omi ba i pos deil obik?
— Pelob foviko.
— Ab moni limödik givol?
— Pelob natiko segun taif.
— Benö, nemolös suämi»
