30
Lillipoet ijă ella tanto tao, djhǎ' orèng Belépoeskoe ta' anḍi' kakowatan sè abhălăkbhăghă raksasa Gulliver. Laèn dări djărèja Gulliver ella aghăbăj parao radja, tja'na aladjără dă' naghără djhǎoe. Sang Rato tanto ta' ngennèng, alanglang da' kareppa Gulliver, sabab abǎ'na bănnè kaboelǎna.
Otosan naghǎră Lillipoet ladjhoe abăli molè kalaban aghibă djǎwǎbhăn mara sè kasebbhoet èattas bhoeroe.
Gulliver tjè' kaso'onna da' Sang Rato Belépoeskoe, sarta mator, kalamon Sang Rato marèngngaghi, abă'na li-dhoeliă mangkat dări palabbhoeăn, sopadjă ta' andhăddhiaghia karèkonganna naghără Belépoeskoe.
Sang Rato ijă ladjhoe ngèdhinè.
Sang Rato băn para santanana sarta pangèrèngnga ngater dǎ' bhăbhăghăn; sè amèt da' Sang Rato, Gulliver sambi aḍhekkong. Mènangka tandhǎ kahormatan, Sang Rato marèngè pèssè emmas sèket kampèl. Tong-sèttongnga aèssè pèssè dinar doewă ratos mègghi băn ghămbhărră Sang Rato sè padă radjăna băn salèrana. Laèn dări djărèja Gulliver èparèngè sango dhăghingnga sapè saratos mègghi', embi' tello ratos, aèng satos ettong băn anggoer sèket ettong, polè sapè odi' nem-ennem, sapè lakè' dăḍoewǎ', embi' beddoes ennem, embi' dhoembhă lakè' ennem, rebbhǎ kerrèng pakanna kèbǎn sarta dărigoe sakaddhoe'.
È bădjă pokol sapolo băn-abăn lagghoe, saellana apaamètan ḍă' sakabbhiǎnna sè paḍă ngater, Gulliver pas mantjal, mantjer dă' dădjă, dhinèng rèng-orèng bănnja' sè paḍă ngater djărèja asorak, modjhiaghi salametta Gulliver. Angènna dări tèmor lao' nongngo' paraona Gulliver , molana padjhălănna tjè' santaʼna, ta' antara abit pasèsèrra naghără Belépoeskoe ella ta' katon polè.
Saarè bhentèng Gulliver sè aladjăr. Bhǎreng ngadheppaghi tjompet arè ladjărră èghoeloeng, abà'na ladjhoe tèḍoeng kapatè èdǎlem parao, marghă gheddhoer băn lessona. Padjhăghăna Gulliver abhǎreng băn pangombărră arè. Ladjărră ladjhoe èpasang polè. Tasè'na anteng taḍă' ghoelina, Gulliver sè aladjăr terros mantjer dă' dădjă; nangèng ta' tatemmo băn parao sèttonga bhălăkatan.
Bhǎreng ella pokol tello' lem-malem Gulliver ngèker, pas nangalè sèttong kapal ladjăr, aladjăr mantjer dă' bără' lao'. Kangsè abit Gulliver aberri' tandha, sopadjă rèng-orèngnga kapal ladjăr djărèja na ngalèa dǎ' abǎ'na, nangèng ta' paghoena. Bit-abit kapal ladjăr ladjhoe maongghǎ mandiră radjă, mènangka tanḍhă djhǎ' Gulliver ella ètangalè'è, nangèng dări djhǎoena, Gulliver ta' patè palasdhă dă❜ mandiră djărèja. Kapal ladjăr ladjhoe ngotjol marèjem sakalèan. Alowanna kapalla ladjhoe èpèngo da' patana kennengnganna Gulliver.
Dări bhoengana Gulliver angrasa atèna masè leddhoe'ă, apa polè bhăreng mandirè Inggris bher-ghlebbherrǎn è tèjang-
