29
djărowa. Gulliver ta' marghǎ salaboeng sè malemma pèkkèran polè ladjhoe atjabbhoer da ' ombă', alangngoj njan dhak parao djărèja terros èghibă mèngghir, salamet napa' dă' tèngghångan. Neng è tèngghångan Gulliver ladjhoe adhekkong, matja dhoewă asokkor da' Pangèran sè maha sottjè, sabab satèja bhakal katekkana sè èkareppaghi, ijă arèja molèa dări polo djăḍijă, kapalla dă' ana ' binèna è naghărăna.
Gulliver ladjhoe èntar da' koṭṭa kalabăn bhoengana atè, atjabis dǎ' Sang Rato, ngatorraghi apa sè dhăddhi saddjhăna. Panjo❜onna Gulliver da' Sang Rato, mogha Pyan-dhálem kasokana aparèng tello ratos tokang sè ter pènter mateppa' parao, njopprè mabettjè'a parao kangsè èkennèng angghoej polè. Mon paraona ella temmoanna èsak, Gulliver mantjala dări naghără Belépoeskoe aladjără ka tengnga tasè'.
Edjădijă mandhår atemmoa băn kapal se toman aladjărăn ḍă' tana Indijă. Sang Rato Belépoeskoe ijă kasokan atolong kalaban soka rennana pangghăliăn, ladjhoe aparènta aparèng tello ratos tokang kadjoe dă' Gulliver. Kabhenderrån ongghoe, sabab mantrè gheddhoengnga Sang Rato padjhăt ella tao mator, djha' lamon Gulliver abidhă sè enneng è Belépoeskoe, tanto ta' partjoma makotong kas Naghără bhăi, nangèng arghăna radjhekkè saantèrona naghără tanto ongghǎ.
Sang Rato mèjos dhibi' da' kennengnganna parao temmoan djărèja. Rèng-orèng Belépoeskoe kabbhi padă mengnga' nangalè radjăna parao djǎrèja. Sakèng radjana parao ta' partjoma kennèng èkato djoe'i bhăi, maskè Gulliver mandjheng băn tjar-kantjèr èattasanna ijă ta' ghellem abǎli'.
Gulliver sè pa'-mateppa' băn bel-nambel paraona sèjang arè malem kangsè èsak polè. Bhǎreng ella marè, parao ladjhoe èèssè’è bhakal sangona.
È băkto sabărijă băḍă otosan ḍări naghǎră Lillipoet dåteng dă' Belépoeskoe, ngembhăn dhăboena Sang Rato da' Gulliver, sopadjă dhoeliă molè da' Lillipoet, marghǎ arè parmèsina ella abit sè taḍă'. Mon ta' atoro' parènta djărèja, tanto abă❜na èangghep dhoesa ḍă' Naghără, masțè èleppas sè dhăddhi kapalana djèndral tasè' băn nardak, sarta wădjib èokom patè mètorot wètta Naghără.
Laèn dări djărèja otosan ghella' monḍhi parènta, mator dă' Rato Belépoeskoe, bit panjo'onna Rato Lillipoet, ngènga'è kontrak bădămean bǎn parsobădhănna doewă' karadjhǎ'ăn djărèja, saan dhina Gulliver ta' endă' abǎli dhibi' dă' Lillipoet, sopadjă abă❜na èbhălăkbhăghǎ soko băn tanangnga, soroa èboewǎ' è ghitèk ḍă' Lillipoet, sopadjă abă'na ngalakonana okomanna.
Tello arè abiddha Sang Rato Belépoeskoe sè amosawarat băn rad djèndral, băb apa sè pardjoeghǎ èlakonè. Saellana massa' rembhǎgghă, pas aparèng potosan èḍhăboeaghi dă' otosan naghără Lillipoet, djha' parkara djărèja èbhoeroengngaghi dǎ' orèng Lillipoet dhibi', bărămma akal Gulliver sè enḍă'ă abăli polè, sabăb orèng abăliă
