14
aghǎbǎj dǎloerat, maḍăteng panjakè' pès ḍă' orèng èḍălem koṭṭa; molana lebbi bettjè' Gulliver èparatènana bi' sak-èsak bhăi. Bǎnnja' para Minister sè mopakat ḍă' pangghăliănna Sang Rato, molana ladjhoe aprènta, sabănnja'na dhisa sè djhǎoena pa' ratos mèter, tè-ghǎntè mastè ngaterrè sapè mennem, embi' pa' polo, empè' dăḍoewǎ' băn kakanan laènna bhǎkal kakanna Gulliver, apa polè mènomanna mastè saḍijă kèja.
Èseddhi'ǎnna bengkona Gulliver èpaddhegghi ḍhoek-ponḍhoek, kennengnganna marateng kakananna Gulliver; dhinèng sè ala-ola koki tello ratos, pa-palappana kabbhi èparèngè ḍări karaton, Tong sèttongnga pabhettek mastè njadijănè doewă matjem sa'-massa'an saarèna.
Serrèna angghoejjă Gulliver bănnja' sè tjarbing marghǎ è'-takaè' nalèka paraona karem, molana Sang Rato makon ḍǎ' ghǎrdjhi saratos saèket, aghăbăjjaghi kalambhina Gulliver mètorot modèlla naghără Lillipoet.
Nalèka ngokorè, ghǎrdjhi karaton sèttong nongko' è lè'èrra Gulliver, sèttongnga todjoe' è to'otta; sè kaḍoewǎ paḍă negghoe' talè èpatennjeng. Talè djărèja pas èokor kalabăn èloan bărămpa landjhăngnga. Molana pas ètemmo landjhăngnga băn radjăna bhădhăn, apa polè landjhăngnga sokona; ladjhoe pol-empolanna Gulliver èokorè; băgiǎnna bhădhăn sè laèn ta' parlo èokorè, sabǎb ella kennèng èètong kalabǎn ghămpang.
Mètorot ogherră orèng njèkot nèng-è naghără Lillipoet, mongghoe ḍǎ' orèng pra-kappra, bărijă: ḍoewǎ kalè kobhengnga pol-empolanna tanang kangan, paḍă băn kobhengnga paghellǎnganna tanang, ḍoewǎ kalè kobhengnga paghellanganna tanang, paḍă băn kobhengnga lè'èr; ḍowǎ kalè kobhengnga lè'èr paḍă băn kobhengnga tongkèng băn saterrossa. Angghettonnaghi ongghoe, kalambhina Gulliver sè èsèkot noro' okor mara djărèja, asèpa'an ḍări sèkotanna tokang djhǎi' è naghărǎna.
Laèn ḍări djǎrèja Sang Rato adhǎboe, sopadjă Gulliver èadjhărǎna bhăsa Lillipoet, dhinèng sè èpakon morok bhoedjhăngghǎ kaennem sè ella kaalok kapènterranna, sabab Sang Rato tjè' terrona sè ka’ ngandhika'a băn Gulliver, ma' ollè myarsa dhibi' kalabǎn terrang, tjarèta bhăb naghărăna Gulliver, adhặt tata kramana băn atoranna naghǎră; sè tjè' terrona polè Sang Rato terro myarsa'a bhǎ' ghi' bănnja' lambǎnna orèng sè radjana mara Gulliver è dhoennja rèją.
Ra-kèra ollè tello mènggoe abiddhǎ Gulliver sè adjhăr otja' Lillipoet, sakèng bhădjheng băn bhărentengnga, ella tao tor-mator ḍǎ' Sang Rato, ta' ambhoe dhing- dhoedhingan polè. Sè èatorraghi ta' rang-korang, sabǎb Gulliver terro taoa kèja bhǎb kabăḍà'ǎnna tana bǎn orèngnga naghără Lillipoet, molana Sang Rato băn Gulliver kangsè pan-bărămpan eddjhăm ta' amboe sè atjator ghoenem.
È sèttongnga arè Sang Rato panoddjhoe senneng ghălina aḍhăboe ḍă' Gulliver, amè' băḍă sè èso'ona. Gulliver ladjhoe anḍi'
