12
Sang Rato ngaghem topi hèlem emmas ètarètès ènten bărlèjan, akontjar boeloe atjem-matjem bărnana. Ngastanè peḍḍdhăng èlaboeng, bilăna akèr-okèr, dhănangan băn bărăngkana paḍa etarètèsènten. Sang Rato ngandhika pan-bărămpan kettjap ḍă' Gulliver, nangèng Gulliver ta’ ngartè paapa. Sowarana Sang Rato tèng-katjentèngan, nangèng sapangandhikana terrang èèḍingngaghi. Gulliver angrasa ontong băn ollè kahormatan radjă, marghǎ sè èadjhǎk ka-ngandhika bi' Sang Rato, molana abă'na asaddjhă malessa ator ḍă' kabellăsanna Sang Rato djărèja. Gulliver mator tjara Bălăndhă, tjara Ḍit, tjara Inggris, tjara Grik, tjara Latèn, tjara Arab, tjara Sapanjol, tjara Itali, tjara Prasman, tjara Maladjoe, tjara Djhăbă, ḍi-boeḍina tjara Madhoeră, nangèng ta' paghoena, sabăb Sang Rato ta' ngartè sakalè. Ḍi-boeḍina lalakon ladjhoe atjatja tjara rèng boewi, goej-ragoejăn, dhing-dhoedhingan, goe'-onggoe'ăn, pek-kèpekkan; molana Sang Rato sè ka-ngandhika ladjhoe lekkas amboe.
Bhăreng ella doewă eddjhăm abiddhă Sang Rato sapangèrèngnga sè alongghoe è kennengnganna raksasa djărèja, ladjhoe ghoebhăr ḍǎ' koṭṭa polè. Sabelloenna ghoebhăr, Sang Rato adhǎboe, sopadjă Gulliver èdjăgă, djhǎ' kangsè nja'-bănnja' orèng nèngghoe abǎ'na, sabǎb djărèja aghăbăj dăloerat ḍă' Gulliver. Nangèng akanṭa bijăsana, ghi' bhoeroe bhăi Sang Rato sapangèrèngnga sè mongkor, ella aghǎroeḍoe' salang sellek orèng sè nèngghoeă raksasa djărèja. Rèng-orèng sè nèngghoe djărèja baḍă sabătara sè korang adjhăr ngal-bangal mana Gulliver, nalèka Gulliver djoè'-todjoè' neng èaḍă'ănna bengkona, ngabăssaghi tèngkana băn èngerra rèng-orèng nit-kinit sè paḍă nèngghoe. Bhǎreng parkara djărèja èatorraghi ḍǎ' opsir sè adjăgă, orèng djărèja kaennem ladjhoe èpakon pèghǎ', èpèngkot pas èbăghi ḍă' Gulliver. Sè kaennem ètjanḍhăk njakalèan bi' tanang kanganna, sè kalèma èpalebbhoe ḍă' kapèngnga ( ¹) kalambhina, sèttong taḍă' sè katona ka tja-kantjana sè bănnja'; dhinèng sè sèttong ètegghoe' èpasemma' ka tjolo'na ta-kanţa tjè' kadjana, kangsè opsir sè èontala. Orèng djărèja atjerrèng adjăgă arassa kobatèr kèja, amè' bhăngsana èkanèjadjǎ ongghoe bi' Gulliver, apa polè bhăreng nangalè Gulliver ngonos beḍḍhoengnga, masè njambhellia orèng sè èkennèng pèghǎ' djǎrèja.
Nangèng kobătèr băn tako'na rèng-orèng djărèja pas élang sama salakè bhăreng tao, djhă' Gulliver ta' matè'è, la-lama tjoma nastas talè pèngkotanna orèng djărèja kalabăn tè-ngatè, ladjhoe èotjol on-laonan neng-è tana, èsoro boeroe. Orèng djărèja ijă ladjhoe boeroe ngepprong, ta' lè-tolè băngkong. Dhinèng sè kalèma ijă èkala' ghǎn sèttong ḍări kapèngnga, ètastas pèngkotanna, èsabă❜ è tana, èsoro dhoeli boeroe kèja ta' kalabăn ronto boeloena salambăr bhălăkka'.
(1)kantongnga .
