Page:La storia di li Nurmanni 'n Sicilia, cuntata di lu Griddu.djvu/212

From Wikisource
Jump to navigation Jump to search
This page has not been proofread.

dalli; ôi si sentinu civilizzati, e sdirrubbanu o sminnittìanu tutti cosi...

'Nfatti di lu Sarvaturi nun vulìanu fari sala d'espusizioni? Nun lu ficiru cchiù, pirchì, quannu lu re Umbertu vinni ccà, e 'ntisi sta cosa, li pigghiau pri pazzi. Comu li pigghiau puru pri pazzi, quannu lu 'nvitaru a vidiri lu Triatu Massimu, e cci dissi, ca era megghiu ch' avissiru fattu 'n'arbergu pri li poviri... E nun cci vôsi mettiri un pedi ddà dintra!

Muscagghiuni—Fammi stu favuri, nun arriminari stu pignateddu, pirchì cchiù chi s'arrimina, cchiù fetu nesci; stu Triatu Massimu pisa comu 'na mmalidizzioni supra la nostra citati!... E si nesciu la lingua di festa, accumenzu a leggiri li corna a tutti chiddi chi cuncurreru 'ntra stu la....

Griddu—Basta, basta.

Certuni 'mputanu a lu gran Ruggieru di suverchia tuliranza cu li Saracini e cu l'Ebrei; ma chisti si scordanu perô, ca un granni nummaru di li citatini, a ddi tempi, era pri l'appuntu di Saracini e d' Ebrei; pri cui, si nni li mannava, li citati arristavanu 'na spilunca. Ma sta tuliranza nun era pri 'mparissi, comu a li voti ha sulutu succediri, ca li tulirati cumannanu li festi, e li catolichi su' prisicuti nun sulu, ma carzarati e marturiati pri la marvaggitutini o dibbulizza di chiddi chi stannu a la testa!

A ddi tempi era nautru ju sirvizzu: nun cci nn'eranu sparagghiuna, chi javanu spartennu libricedda 'ntra li strati, pr'accalumarisi a li poviri 'nnuccinteddi, e mancu genti addannatizzi chi javanu comu lu diavulu affannatu, currennu di ccà e di ddà, di 'nsusu e di gnusu, cu 'na facchinedda com'un santu misirinu e la pilatura mirrina comu 'na tigri o autra fera, firrïannu li strati e li casi