किडी:भिकणाच्या झाडाचेर मावा,पानां गुटलावपी कीड,भिकूण,वाळटी सारकिल्यो किडी दिश्टी पडटात.ह्यो किडी आळा हाडपाक डी.डी.टी.एच्.सी.ह्यो फॅास्फोमिडॅान,डायमेथोएट,मिथिलाडिमेटॅान,थायोमॅटॅान वा मॅलॅथिऑन,क्लोरोडॅन,हांचो फवारो मारतात. -प्रो.एस.जी.बोरुडे
भिकणां-२:पणसाच्या बियांक भिकणां(पणसा-भिकणां)म्हण्टात.ही भिकणां भाजून,उकडून तशेंच रोसांत आनी भाजयेंत घालून खातात.
पूरक नोंद: पणस.
भिकारी :येणावळीचें साधन नाशिल्लो,कश्ट करपाचे परिस्थितींत नाशिल्लो अपंगूळ,जिणेच्यो मुळाव्यो गरजो (चड करुन अन्न आनी वस्त्र)भागोवपाक दुस-या कडेन मदतीची याचना करता ताका भिकारी म्हण्टात.याचनेचे हे क्रियेक भीक मागप म्हण्टात.
शक्य आसा तांणी जोडप आनी कुंटुंबांतल्या सरळ्यांनीच वांटून खावप ही एकत्रित कुटुंब पद्दत वचून खाजगी मालमत्तेची कल्पना अस्तित्त्वांत येत सावन भीक मागपाची पद्दत अस्तित्वांत आयली.
सोंपेपणी आनी गरज नासतना भिकेचेर जगप मनशाच्या स्वभावाक लागून व्हडलेंशें मानवपा सारकें ना.कांय आडवाद सोडले जाल्यार भौतेक लोक उपाय ना म्हणून भीक मागतना दिसतात.अशें आसलें तरी समाजीक भलायकेचे नदरेन भीक मागप हे प्रवृतीचें समर्थन करुंक उपकारना,हे खातीर सरकारान भीक्षांबंदीचे कायदेय केल्ले आसात.ते भायर भीक मागपाचो प्रसंगूच येवंचो ल्हय वा तशी प्रवृती निर्माण जावंची ल्हय म्हणून समाजीक संरक्षण दिवपाच्या हेतून अशा मनशांखातीर पुनर्व सणुकेचें कार्य समाजीक तशेंच सरकारी पांवड्याचेर चालू आसा.
भीक आनी दान हांचो लागींचो संबंद दिसता आसलो तरी ह्या दोन क्रियांमदीं मुळावो असो फरक आसा.भीक हे क्रिये पाटल्यान असहाय्यतेंतल्यान आयिल्लो नाईलाज आसता,जाल्यार दान हे क्रियेफाटल्यान धर्मीक अधिश्ठानांतल्यान आयिल्ली आपखोस आसता.भीक हे क्रियेकडेन एक लजेची क्रिया म्हणून पळोवप जाता जाल्यार दान हे क्रियेकडेन एक उदात्त क्रिया म्हणून पळयतात.दान हे क्रियेक पुण्यायेचो संदर्भ आसा तसो भीक हे क्रियेक ना.
भिकूण:विभाग: आर्थरोपोडा; वर्ग: इंसॅक्टा; गण: हेमिप्टेरा; जाती: सायमॅक्स; प्रजाती: लेक्ट्युलॅरियस.
भिकूण हो प्रणी उपोश्ण आनी समशीतोश्ण कटिबंधांनी सगळ्याक सांपडटा.पुर्विल्ल्या काळांत ग्रीक आनी रोमी लोकांक तांचे विशीं म्हायती आशिल्ली. उपरांत ते आशिया,युरोप आनी अमेरिका खंडांनी पातळ्ळे.आयज तांचें प्रमाण दक्षिण आशिया आनी आफ्रिकेंत चड वाडलां.
भिकूण हो रगतशोशक जीव सुरवेक कुकडां,माजर,हुंदीर,सोंसो,घोडो हांच्या रगताचेर वाडलो आनी उपरांत मनशाच्या सहवासांत आयलो.सुमार एक वर्स तो उपाशीं रावपाक शकता.हाका लागून एका प्रदेशांतल्यान दुस-या प्रदेशांत तो सहज पावपाक शकता.मादी फावटीक २०० ते ५०० तांतयां घालता. हाका लागून तांचे प्रमाणूय रखडेंच वाडटा.भिकूण चड करुन वण्टीच्या खांचीनी,खाटीच्या आनी कदेला.
बुराकांनी तशेंच कुलच्यांवांच्या वा सेंद-यांच्या देगांनी रावतात.कपडे,सामानसुमान वा फर्निचर हांचे वांगडा ते एके सुवाते सावन दुसरे सुवातेर पावतात.ते दिसाचे लिपून रावून रातचे भायर सरतात.रातचे तशेंच दिसाचेय काळख्या सुवातांनी ते मनशांक चाबतात.
भिकूण हो पातळ,लांब वाटकुळोसो प्राणी.तांबशा रंगाचो आसता.ताची लांबाय सुमार ४ ते ५मिमी.इतली आसता.ताची कूड तकली,मान आनी धड अशी विभागिल्ली आसता.तकलेक बारीक दोळे आनी ल्हान ल्हान मिशयो आसतात.ताचे पांय मोटने आनी आंगार बारीक केंस आसतात.ताचे कुडींत एक खाशेले तरेचो पदार्थ आसता.हाका लागून ताका चिड्डितकूच घाण येता.मनशाचें तापमान आनी ताच्या बसपाचो दाब पळोवन भिकूण लिपील्ले खांचीतल्यान भायर येवन ताचें रगत शोशण करता मनशाक चावचे पयलीं एक खाशेलो पदार्थ तो चावता ते सुवातेर सोडटा.हाका लागून भिकूण चावता तेन्ना मनशाक चड दुखना.पूण उपरांत तो चावता त्या भागार कात तांबडी जाता आनी थंय खाज सुट्टा.हे तांबडे दादड कांय दीस तशेच उरतात.
जे सुवातेर सुमार २१०सॅ.तापमान आनी खूब अन्न मेळूंक शकता.थंय मादी तांतयां घालता.चड थंड सुवातेचेर मादी तांतयां घालिना.तेच प्रमाण उपाशीं आशिल्ली मादीय तांतयां घालपाचें बंद करता.तांचीं तांतयां लांब आनी धवी आसतात.६-१७ दिसांनी तांतयां फुटून तातूंतल्यान बारीक बारीक जीव भायर सरतात.ते दवशा रंगाचे आसतात.सुमार एका म्हयन्यान ते व्हड जातात.एका वर्साक भिकणांच्यो तीन वा चार पिळग्यो जातात.भिकूणांक लागून विगंड विगंड प्रकाराची दुयेंसां जातात
