UPOKO 4,5.
nga kai mahi i te parahi, i te rino: a ko Naama te tuahine o Tupara-kaina.
23 Na, ka mea a Rameka ki ana wahine, ki a Araha raua ko Tira, Whakarongo mai ki toku reo; e nga wahine a Rameka, kia whai taringa mai ki taku kupu: kua patua hoki he tangata e ahau moku i motu, he taitamariki hoki mo toku mamae.
24 Na, mo Kaina e whitu nga utu, ina, ka whitu tekau ma whitu mo Rameka.
25 ¶ A i mohio ano a Arama ki tana wahine; a ka whanau tana tamaiti, a huaina iho tona ingoa ko Heta; i mea hoki ia, Ka rite mai nei i te Atua tetahi atu uri moku hei whakakapi mo Apera i patua nei e Kaina.
26 Me Heta ano hoki, i whanau tana tamaiti; a huaina ana tona ingoa ko Enoha: no reira i timata ai te tangata te karanga atu ki te ingoa o Ihowa.
UPOKO 5.
KO te pukapuka tenei o nga whakatupuranga o Arama. I te ra i hangā ai te tangata e te Atua, i hangā ia e ia kia rite ki te Atua;
2 I hangā raua he tane he wahine; a i manaakitia raua e ia, i huaina hoki to raua ingoa ko Arama, i te ra i hangā ai raua.
3 ¶ A ka kotahi rau ka toru tekau nga tau i ora ai a Arama, na ka whanau tana tamaiti, nona te ahua, rite tonu ki a ia; a huaina ana tona ingoa ko Heta:
4 A e waru rau tau nga ra o Arama i muri iho i te whanautanga o Heta: a ka whanau he tamariki he tamahine mana:
5 A e iwa rau e toru tekau tau nga ra katoa i ora ai a Arama: a ka mate.
6 A kotahi rau e rima nga tau i ora ai a Heta, a ka whanau tana tamaiti a Enoha:
7 A e waru rau e whitu nga tau i ora ai a Heta i muri iho i te whanautanga o tana tamaiti o Enoha, a ka whanau he tamariki he tamahine mana:
8 A e iwa rau kotahi tekau ma rua tau nga ra katoa o Heta: a ka mate.
9 ¶ A ka iwa tekau nga tau i ora ai a Enoha: na, ka whanau tana tamaiti a Kainana:
10 A e waru rau kotahi tekau ma rima nga tau i ora ai a Enoha i muri iho i te whanautanga o tana tamaiti o Kainana, a ka whanau he tamariki he tamahine mana:
11 A e iwa rau ma rima tau nga ra katoa o Enoha: a ka mate.
12 ¶ A ka whitu tekau nga tau i ora ai a Kainana, ka whanau tana tamaiti a Maharareere:
13 A e waru rau e wha tekau nga tau i ora ai a Kainana i muri iho i te whanautanga o tana tamaiti o Maharareere, a ka whanau he tamariki he tamahine mana:
14 A e iwa rau kotahi tekau tau nga ra katoa o Kainana: a ka mate.
15 ¶ A ka ono tekau ma rima nga tau i ora ai a Maharareere, na, ka whanau tana tamaiti a Iarere:
16 A e waru rau e toru tekau nga tau i ora ai a Maharareere i muri iho i te whanautanga o tana tamaiti o Iarere, a ka whanau he tamariki he tamahine mana:
17 A e waru rau e iwa tekau ma rima tau nga ra katoa o Maharareere: na, ka mate.
18 ¶ A kotahi rau e ono tekau ma rua nga tau i ora ai a Iarere, a ka whanau tana tamaiti a Enoka:
19 A e waru rau nga tau i ora ai a Iarere i muri iho i te whanautanga o tana tamaiti o Enoka, a ka whanau he tamariki he tamahine mana:
20 A e iwa rau e ono tekau ma rua tau nga ra katoa o Iarere: na, ka mate.
21 ¶ A e ono tekau ma rima nga tau i ora ai a Enoka, na, ka whanau tana tamaiti a Metuhera:
22 A e toru rau nga tau i haereere tahi ai a Enoka i te Atua i muri iho i te whanautanga o tana tamaiti o Metuhera, a ka whanau he tamariki he tamahine mana:
23 A e toru rau e ono tekau ma rima tau nga ra katoa o Enoka:
24 A i haereere tahi ano a Enoka i te Atua: a kua kahore ia; na te Atua hoki ia i tango.
25 A kotahi rau e waru tekau ma whitu nga tau i ora ai a Metuhera, a ka whanau tana tamaiti a Rameka:
26 A e whitu rau e waru tekau ma rua nga tau i ora ai a Metuhera i muri iho i te whanautanga o tana tamaiti o Rameka, a ka whanau he tamariki he tamahine mana:
27 A e iwa rau e ono tekau ma iwa tau nga ra katoa o Metuhera: na, ka mate.
28 ¶ A kotahi rau e waru tekau ma rua nga tau i ora ai a Rameka, a ka whanau tana tamaiti.
29 A huaina ana e ia tona ingoa ko Noa; i mea hoki ia, Ma tenei e ora ai o tatou ngakau i a tatou e mamahi nei, i o
5
