Page:Irische Texte 1.djvu/150

From Wikisource
Jump to navigation Jump to search
This page has been proofread.
128
IV Tochmarc Etáine.

[Eg:]

is me dono ro thairmiscc im Ailill dul it dail ocus it conni ocus uar léc dó th’ enech do milliud.“

14. Tabicc iarsin in ingen dia thig ocus dochúaid d’ accallaim Ailillo, ocus bennachais do. „Is maith tra dorala duine sin diblínaib“, ar Ailill. „Is am slán-sa fodecht-sa dom galur, ocus iss at slán-sa dot enech, ocus beir-siu bennachtain.“ Itlochamar diar n‑deib“, ar Étain, „is maith linn amlaid sin.“ Is ann sin tra tanic Eochaid dia chuairt rig ocus ro ḟiarfaig a brathair fócetóir. Ro hinnisidh[1] a scélu do o thus co derith, ocus ba buidhech in ri dia mnai ara n‑derna do maith fria hAilill, ocus is fólíth linn in scéul sin ar Eochaid.

Scélu imorro Eachada innistir sunn ocus Etaine.

15. Fechtus dia m‑bui Eachaid bi Frémainn, co n‑dernad óenuch ocus echtressa leo ann, co tanicc iarsin Etain do ḟaircsi in oenaig. Is annsin dana dolluid Mider dochum in oenuig ocus tanicc d’insaigid[2] in airechta i ra ba Etain ocus a banntrachta immpi, ocus fúaitgid leiss hi cona hinailt, i. Croichean Chrodergh inailt Étainiu, ocus ba doithfir in dealb i tanic Mider chuccu. Is ann sin imorro rothócbatar banntrocta fer n‑Erinn a n‑gáiri guil hic breth na rígnu uaidib, cor lecit echradha hErend fris, cona fetatar na n‑aer nó i talmuin dochúaidh.


[LU:]

feóil de, ocus is messi thall cach n‑accobor collaide n‑airi, na beth milliud enech dait-siu and. Acht teisiu lim-sa dom crích, dia n‑apra Eochaid frit?“ „Maith lim“, ol Étáin.

14. Tic iarom dia tig. „Is maith ar comrac“, or Ailill, „sech rom ícad-sa a fecht-sa, ni fil imlot n‑einig dait-so and.“ „Is amra amlaid“, or Étain. Tánic Eochaid día chuaird iartain ocus atlaigestár bethaid a brathar ocus budigthe fri hEtáin co mór a n‑dorigni co tánic som.

  1. ro hinnisigh Eg.
  2. din aigid Eg.