Conid and atbert Conall[1]:
[Rann] Fochen Cet,
Cet mac Matach[2].magen curad,
cride n‑ega.eithre nela.
eirr trén tressa.trethan ágach.
cain tarb tnúthach.Cet mac Magach.
Bid mend inar n‑imchomruic[-ni[3] ón, ar Conall],
[ocus] bid mend inar n‑imscarad,
bid airscela[4] la Fer m‑brot,*
bid fiadnaisi[5] la Fer manath.*
Adcichset[6] airg loman londgliaid[7],
fer dar fer is taig seo innocht.
16. „Eirg ón muicc din!“ or Conall. „Cid dana[8] dot bérad-su chucci?“ ar Cett. „Is fir“, or Conall, „do chungid chomraime chucum-sa. Dobér oenchomram[9] duit, a Cheit“, ar Conall. „Tongu na tongat mo thuath, o ra gabus gai im láim, nach menic ro bá cen chend connachtaig fóm chind oc cotlud, ocus cen guin duine cech oen lá ocus cech oen aidchi[10].“ „Is fír“, or Cet, „at ferr do laech andó-sa[11]. Mad Anluan[12] no beth is taig, doberad comram ar araile duit[13]. Is anim dún na fil[14] is taig.“ „Atá imorro“, ar Conall ic tabairt chind Ánlúain assa chriss, ocus nos leice do Chet ar a bruinni[15], corroimid[16] a loim fola for a beolu. Ro gab side imorro ón muic, ocus dessid Conall aicce.
- ↑ conid – Conall (am Rande in L scheinbar von derselben Hand) om. H.
- ↑ fochen cet cet m. Magach H.
- ↑ inarnimcomracniu H.
- ↑ biad arscela H.
- ↑ fidnaisi L. fiadnaisie H.
- ↑ ararciget H.
- ↑ nach londgliaid: na da err eblaid echtair. acht regaid fer dar fer astaigse anocht H.
- ↑ cid em H.
- ↑ dober oincomramha H.
- ↑ o ro gabus gai lai am laim nad raba cen goin duine cech oen laithi do connochtaib ocus orcain fridaighid cech n‑aidchi ocus ni ro codlus riam cin cend connachtach fom glun H.
- ↑ indusae H.
- ↑ Andluan H.
- ↑ doberad comrama ar araili doid H.
- ↑ nad fuil H.
- ↑ dolleci di Cet dar a brunne H.
- ↑ coroemid H.
