baithium[1] riam rén for brú
biad menic ba millsiu[2].
O ro ṡernad[3] Nóisi nár
fulocht[4] for feda fianchlar,
ba millsiu cach biud fo mil
araralad mac Usnig.
Cid binni lib incachmí
cuslennaig nó chornairi[5]
isi mo chobais indiu,
ro chuala céol bad binniu.
Bind la Conchobar for rí[6]
cuslennaig nó chornairi[7]
binniu[8] lem-sa, clóth nell,
sian no gebtis maic Uislend.
Fogur tuinni toirm[9] Nóisi
ba ceol bind a bithchlóisi[10],
coblach Arddain[11] ro po maith,
andord Ándle[12] dia urbaith.
Nóisi ro noad[13] a ḟert
ba dirsan in comaitecht
do ro dalius[14] drong tria alt
in dig tonnaid[15] dia n‑erbalt.
Inmain berthán áilli a blai[16]
tuchthach duine cid dinblai[17]
ba dirsand nadresco indiu
mac Uisnig[18] do idnaidiu.
|
ba haibnim riam reim for bíu
biad menicc rob. millsiu.
O ro sernad Nóisi nar
fuluct for feduib fianclar
ba millsium gach biud fo mil
ar aral. macc Uislinn.
Cid binnim lib ancaine
cuslinnuid is cornaire
isi mu cubus don ríg
ro cualo ceol bud bindi.
Binn la Concobar in ri
cuslinnuid is cornairi
ba binnim lemso cloth nell
sían no geibtis micc Uislenn.
Fogur tuinni trom Noisi
ba ceol binn a bithcloisi
coblach Ardain ro bud maith
fodurd Ainnli daúarboith.
Nóisi doronud a fertt
ba dirsin in comuitecht
dorodálas drong tria alt
don dig tonnaighdia n‑erbalt.
Inmuin berthan aille blai
tuchtach duine cid dinnblai
ba dirsin natresco indiu
mac Uisnech do idnaidiu.
|
