49
pagkapinoon, itong mga mahahamis na kamangmangan na nakakaagid na gayo sa hambog kan mga bansa sa Europa: nakakapadagka asin nakakataong ndmit nin dugés sa mga tubé duman, alagad nakakapangisi asin nakakapakorondot kan kiray kan mga taga ibang daga.
Su daraga, siring sa tigang ni Cain, maimon, kaya hinapot su safyang katipan:
“Sa giréray nasaisip mo ako? dai ka sak6é nakalin- gaw sa kahalawigan kan saimong mga paglalakbay? !Sa dakol na mga darakilang lungsod (72) na kani- gian na mga magagayon na bahaye.. .!”
Su hagbayon, sard man na tigang ni Cain, tataong magiktad sa mga hapot, may pagkaputikon, kun kaya:
“Mangyari daw na makalingaw ako saimo?” somi- nimbag namomongnan na naghihiling sa mga maiitom na alinawnaw kan daraga; “mahimo daw na magkt- lang ako sa sarong kapangakoan, sa sarong sinanglitan na kapangakoan? Nagigiromdoman mo an bangging ito, an bangging itong madoros na marhay, kan ma- kita mo akong iyo sanang saré nagpapadalahay kan saktyang luha sa kataid kan bangkay kan sakong ina, dinédlok mo ako, idinoon mo sa sakong abaga su saimong kamot, itong kamot na dai mo itinotogot na sakong kap- tan, asin saimo akong sinabihan: ‘Nawara mo su sai- mong ina, ako dai nagkaigwa (78) ...’ asin sominabay ka saké sa pagtangis? Mahal mo sya (74) asin ma- hal ka man nya siring sa sarong ginaha. Sa luwas naghahagawak su oranon asin nagdadalogdog kaito, alagad sa pagmaté ko garo akong nakakadangog nin mga togtog, sa paghiling ko baga naghohoyomhéyom su malungsing lawog kan bangkay .. .!ay, kun bihay pa sana su sakong magtirang asin mapaghilinghiling ka! dangan kinoa ko su saimong kamot asin su sa sa- kong ina, isinumpa kong mamahalon taka, na gibohon ko ikang magayagaya, and man na palad an ipagta- laga sa sak6é nin langit, asin mantang an sumpang ini- ho sagkod pa man dai ko pinaghihimasolan, ngunyan inéolit ko saimo. Mahimo daw na makalingaw ako saimo? Sa girdray, inaantabay ako kan saimong gi- romdom, ilinikay ako sa mga panganib sa dalan, ka- rangahan ko sa pagsaré-saro kan sakong kalag sa mga daplé (75) na mga banwaan: an saimong giromdom nakasayang kan bagsik kan loto sa Europa na nakapa- ra sa giromdom nin dakol na mga katutub6é (76) kan
