358
duwa; nagbanggaan su duwang tuka, nagtinamaan su duwang daghan, naginigoan su duwang tambod asin nagsinabitan su duwang pakpak; mahitsay na kinalasa- gan an mga panglalaban na ito asin dai nin ibang na- hdlog kundi kadikit na balikag. Nagbalik naman na magsinokolan su duwa; daing ano-ano luminupad su ogis, ominitaas na pinagpapalabadlabad su tambod, ala- gad linokén kan pula su mga paa, idinoké su payo, asin daing ibang naig6o su ogis kundi su angkas; alagad pag- doot sa daga, sa paglikay na maligad sa likod, panaleng bominalik asin tominalad. Angot na dominagosé su pu- la, alagad moninong na nangaldsag: bakong sayang na mamuyahan kan katawohan. Su Panganib kan labanan pinagsusunod kan kagabsan na tinatarakigan asin nag- kakaharandal, na nagtataga-luwas sa dai man tinott- yong kagsing. Linalakpan na linalakpan su dagaé nin mga pula asin puting balikag, na may mga digtang dug6; alagad an pagdinaogan sa labanan bakong sa énot na pagbolos nin dugé; muya kan mga filipino, sa pag- sunod sa mga katogonan na mga itinao kan Pamaha- laan, an magadan o an énot na dumulag iyo an daog. Su daga nabaribi na nin dug6, soronod na su paspasan, alagad dai pa nasasdyod kun arin an mandadaog. Ka- hurihurihi sa pangatapusan na paghinguha, domina- gosé su ogis tanganing ikatao an hiring porok, isinak- sak su bélang sa pakpak kan pula asin nakatésok sa pa- goltanan kan mga tolang; kundi su ogis nalugadan sa daghan, asin natitian na nin dugd, maluluya, nagha- halhal, nagtatakodan, magkasi daing hirdéhiré sagkod na napukan su ogis, nagluwas nin dugé su tuka, nagkiray- kisay asin naghingagdan; su pula, nagogootan sa pak- pak, nagdanay sa katdid, nagluhaylihay na lomdkob asin inanay na ipiniyong su mga mata.
Dangan sunod sa ipinagboboot kan Pamahalaan, ipi- nahayag kan sentenciador na iyong gana su pula; pina- taratara su sentencia nin sarong makosog na kururahaw, kururahaw na dangog sa bilog na banwaan, halawig, pantay asin nagdanay nin nagkapirang hidalé. Su mga nagpakadangog kaito sa harayé nakasdyod na iyong nanggana su dejado, ta kun dai baké kutang halawig su kaogmahan. Siring man an nangyayari sa mga ban- sd: sarong sadit na nakalipig sa dakuld, inadwit asin ibinabareta sa gabés na panahon.
“Nakita mo?” an may kabaldian na sabi ni Bruno sa
