276
“'Ld4long marhay na sabihon mo,” an may kabaldian na simbag kan teniente mayor, “na an katakutan na marhay minapoén sa kasakroan asin natatapus sa ka- sopganan! Ngunyan mansana idadaté ko sa Alcalde an sakong pagbutas sa katongdan; oyam na akong ma- ging olokan na dai man lamang mapakinabangan nin siisay man... Padram!”
Laen man su ganan kan mga babaye.
“!Ay!” an hagayhay nin sarong babaye na mabansay su panglawog; “an mga bagong-tawo sa giraray siring kaiyan! Kun bihay lamang su saiyang marhay na ina, ano daw an sasabihon? !Ay, Dios! Kun pinagiisip nyaké na mahimong siring man an mangyari sa sakong aki na mainit man an payo... lay, Jests! haros nauuri ako sa saiyang gadan nang ind... magagadan ako sa sakit!”
“Ako dai,” an simbag man nin sarong babaye; “dai Hf Jpectioniondh kun siring an mangyari sa duwa kong aki.
“Anong sabi mo, Capitanang Maria?” an sabi kan énot na pinagtakop su kamot.
“Namumuya ako na ipaglaban kan mga aki an girom- dom kan saindang mga magtrang, Capitanang Tinay; anong sasabihon mo kun sarong aldaw, balo, madangog mo na mardot an pinagsasabi dapit sa saimong agom, asin idoké an payo kan aki mong si Antonio asin dai magkaalo?”
“'Tsusthay ko saiya an waras na biyayaé!” an sabi nin saré, na iyo si Hermanang Rufa, “alagad...”
“Isihay saiya an waras na biyaya, dai nanggad!” an saligbaton kan maherakén na Capitaénang Tinay, “dai sukat magsabi kaiydn an sarong ind... alagad anong saimong mga kaisipan, Capitanang Maria?”
“Minsan siring,” an sabi pa ni Hermanang Rufa, “dai mo malingawan na sarong daktlang kasalan na pagbuhatan nin kamot an sarong tawong sinaglitan.”
“Orog pang sinanglitan an giromdom kan mga magi- rang!” an simbag ni Capitanang Maria. ‘“!Daing siisay man, mani an Papa, asin nangorog na si Padre Damaso, na mangydéring makapaglanghad sa siring kabanal na giromdom!”
“!Totoo!” an sabi ni Capitanang Tinay na nagtaka kan kadonongan kan duwa; “saen nindo kinoa an siring karahay na mga pangatanosan?”
