17
rong ihinabla huli ta sinambit sa rawitdawit an sarong dakulang katotoohan. Inapod akong tagapagawit, alagad dai ako aapodon na rongaw. ”
“Mangyari daw na maaraman kun ano an katotoohan na iyan?”
“Sabi an ogbon kan leon, leon man; naghilaga pang madestierro.”
Asin hominarayo sa pangkat itong dai midbid na hagbayon...
Haros nagdadalagan, dominatong an sarong lalaki na mabansay an panglawog, na an panggubingan siring kan sa mga taga digdi, na may botones na brillante sa pechera. Dinolok si Ibarra asin iginawagaw su kamot na an olay:
“Ginoong Ibarra, minamawot kong mamidbid taka; katood kong bulanos si Capitan Tiago, midbid ko su saimong ama... Ako si Capitan Tinong, sa Tondo ako nageérok, saén namumugtak an saimong harong; linalaom ko na tataohan mo ako nin dangog kan saimong paggiaw; dumuman kang mangodto sa kaibahan niyamo!’
Nagtaka si Ibarra sa siring na pagkamainaladka; hominoyom si Capitan Tinong asin pinaghorohapiyap su saiyang kamot.
“!Salamat!”’ an maogmang simbag ni Ibarra; “alagad noodma mansana maduman ako sa San Diego. ”
“!Kanogon pa! Kun siring, sa pagbalik mo na!”
“Iyo na!” an paisi nin sarong tagapaglingkod sa La Campana. Su mga pananawhon nagpoon nin pagburuhat sa saindang mga tukawan, alagad su mga babaye, orog na su mga filipina, haloy ngonang nag- parapapiririt.
Garong masingayang marhay si Fray Sibyla: moninong na naglalakawlakaw asin nagpurawas na su kabaldian na lominadawan sa saiyang marayrahay na ngabil; pinapagkanigo niyang pakiolayan su pilay na si Dr. De Espadana, na pontok magsimbag, tara dai nakakasawod na gayo. Mainit na marhay su payo kan
