Page:Halayo kanimo! (microform) (IA aqh7545.0001.001.umich.edu).pdf/48

    ¡HALAYO KANIMO!
                     39

 Ug, sa akong agtang, sia mipatik sa mga haók
niya nga malumo; ug sa mga parayeg niya
ako iyang gilipay. Kaha siya nahadlok
sa kahimtang kong subo, sa lawas kong maluya,
sa wala lang hibalui ang ginikanan kung unsa...

 —Ambut lang... wa ako masayud (sia gitubag kó)
ning masubsub kong subo, ning pagpunay kog hilak;
nga ako unta wa man gayud matahap sa gugma mó,
nga sa kaugmaon mabalhin, nga sa kaugmaon mapulak
ang, sa akong kalauman, mga mahumot nga bulak...
    . . . . . . . . . . . . . . . . . . . . . .
  . . . . . . . . . . . . . . . . . . . . . . .
  . . . . . . . . . . . . . . . . . . . . . . .
  . . . . . . . . . . . . . . . . . . . . . . .
  . . . . . . . . . . . . . . . . . . . . . . .

 Ako nagtoo nga ang iyang kasingkasing malig-on,
nagatoo ako nga kini dili paluba sa lain;
ug ako, nagtoo nga hangtud sa akong kamatayon,
sia, sa paghigugma kanako, way pagkabalhin;
apan.... ambut, naunsa kining akong kasingkasing...

 ¡Sia matahum kaayo! Sia ang Hari sa mga bulak
sa akong humot nga tanaman... Sia mokuyog nakô
sa akong tanan nga pagabation: katawa ug hilak;
apan, karon, mahiubos na kung ako magbakhô,
ug... ¡ambut nganong ako gihapon mag-agulô!...